Ыам ыйын 26 күнэ – Арассыыйа урбаанньыттарын күнэ!
Сайдыы суолун тутуһар улууспут бука бары урбаанньыттарын үөрүүлээх бэлиэ күнүнэн «Сунтаар улууһа (оройуона)» муниципальнай оройуон салалтатын уонна оройуон депутаттарын Сэбиэтин ааттарыттан итиитик – истиҥник эҕэрдэлиибит!
Урбаанньыт күнэ Саха сиригэр быйыл 21-с төгүлүн бэлиэтэнэр, бу идэлээх бырааһынньык дьоҕус уонна орто урбаан дойдубут социальнай-экэнэмиичэскэй сайдыытыгар сүҥкэн оруоллааҕын көрдөрөр. Хас биирдии урбаанньыт өйүнэн санаатынан, билиитин-көрүүтүн күүһүнэн, төрөөбүт улууһугар дьон олоҕо тупсарыгар бэйэтин кылаатын киллэрэн, үлэһит дьону өйөөн, үлэ миэстэтин таһааран, эдэр дьону үлэннэн хааччыйыыта – махталлаах суол.
Өссө төгүл Сунтаарбыт улууһун урбаанньыттарын бу үтүө бырааһынньыгынан эҕэрдэлиибит! Эһиэхэ саҥа саҕахтары аһан үлэҕит-хамнаскыт ситиһиилээх тахсыылаах буоллун, тус олоххутугар дьолу-соргуну баҕарабыт!
***
«Сунтаар улууһа (оройуона)» муниципальнай оройуон баһылыга Анатолий Григорьев,
Сунтаар улууһун депутаттарын Сэбиэтин бэрэссэдээтэлэ Ульяна Попова
Оставить комментарий