Сунтаарга суол өрөмүөнүгэр үлэ далааһына киэҥ

Сэтиннь 16 күнүгэр, улуус баһылыга Анатолий Григорьев ФКУ Упрдор ” Вилюй” салайааччытын Николай Андреевтыын көрүстэ.

Быйыл Күүккүрэ муостата тутуллан, Тойбохойдуур суолга асфальт ууруллан Сунтаар дьоно- сэргэтэ үөрүүлэрэ үксээн, махталлара муҥура суох. Баһылык махтанан туран инники үлэ тула кэпсэттилэр. Николай Иванович суол тутуута салҕанарын, Бүлүү өрүс муосталарын проектара эһиилгиттэн саҕаланалларын иһитиннэрдэ.

Төгүрүк сыл устата улууска айан сырыыта быстыбат, ол иһин суол оҥоһуллара хас биирдии улууспут олохтоохторугар улахан суолталаах буолар. Манна дьоҕус тэрилтэлэртэн «Айан суол» уонна «Сунтаравтодор» хампаанньа бэйэлэрин ылбыт хайысхаларыгар төһө кыах баарынан сөптөөх үлэ ыытан суолу түргэнник уонна хаачыстыбалаахтык тутан, дьон туһатыгар таһаараллар.

***

«Сунтаар улууһа (оройуона)» муниципальнай оройуон дьаһалтатын пресс-сулууспата