Курс валют
$
88.02
0.15
96.04
Курс валют
Курс валют
$
88.02
0.15
96.04
Меню
Поиск по сайту

“Стерх”, “Согласие” хампаанньалар хаһаайыстыбалар үүнүүлэрин страховкалыыртан туттуналлар

20.12.2018 13:09 0
“Стерх”, “Согласие” хампаанньалар хаһаайыстыбалар үүнүүлэрин страховкалыыртан туттуналлар

Тыа хаһаайыстыбатын министиэристибэтэ сыл түмүктэрин чөкөтөн таһааран эрэр. Ахсынньы 18 күнүгэр буолбут агрономическай сүбэ мунньахха сиртэн үүнүүнү ылыы салаатын 2018 сыллааҕы үлэтин уонна кэлэр 2019 сылга ыһыы үлэтин тэрээһиннээхтик ыытарга бэлэмнэнии дьаһалларын дьүүллэстилэр.

Сиртэн үүнүүнү ылыы, мелиорация, материальнай-тэхиньиичэскэй хааччыйыы уонна тыа хаһаайыстыбатын информатизациялааһын департаменын салайааччыта Василий Чичигинаров иһитиннэрбитинэн, өрөспүүбүлүкэ бары киэптээх хаһаайыстыбаларыгар ыһыы иэнэ 48202 гектарга тэҥнэһэн, былааннаммыт кээмэйтэн 98,6% туолбут, ити иһигэр былаан бурдукка 105, сүөһү аһылыгар аналлаах култуураҕа 99,4, хортуоппуйга 100,3, бүрүөһүнэ суох олордуллар оҕуруот аһыгар 100,2% толоруллубут.

Төһө даҕаны сааһа тымныы буоллар уонна сорох улуустары халаан уута түбүлээтэр, үүнүү түмүгэ куһаҕана суох: былырыыҥҥытааҕар 3527 туоннанан элбэх бурдук хомуйулунна (сорудахтан 85,8%), хортуоппуйга 104,4%, оҕуруот аһыгар 101,9% уонна окко 95,1, сенажка 137, сиилэскэ 126% толорулунна. Департамент салайааччыта көрдөрүү тупсарыгар былырыыҥҥыттан олоххо киллэриллибит “Сүөһү аһылыгын оҥорууну сайыннарыы” бырагыраамата көмөлөөх буолбутун бэлиэтээтэ.

Василий Васильевич этиитигэр ааспыт саас-сайын сир-уот кууран, халлаан курааннаан, кэккэ улуустарга бурдук ыһыытын аҥаара  туһата суох хаалбытын үрдүнэн хаһаайыстыбалар судаарыстыба өйөбүллээх страховкалааһыҥҥа көһүүннүк сыһыаннаһалларын итэҕэс быһыытынан ыйда. Ол курдук, страховой бириэмийэ сорҕотун толуйууга 4 мөлүйүөн солкуобай кээмэйдээх субсидия үбэ көрүллүбүтүн 6 бурдук хаһаайыстыбата аҥаарын кэриҥин эрэ (2 мөл. 66,8 тыһ.) туһанна. Маныаха, иккис өттүттэн, страховкалыыр хампаанньалар тыа хаһаайыстыбатын култууратын үүнүүтүн страховкалыыртан туора тутталлара атахтаата. Холобур, “Стерх” хампаанньа “Поиск” кэпэрэтиипкэ, “Согласие” хампаанньа икки хаһаайыстыбаҕа аккаастаабыттара. Ол сүрүн төрүөтэ – хаһаайыстыбалар үүнүүнү бүтүннүү ылалларын мэктиэлээбэттэрэ итиэннэ страховой усунуоһу төлүүллэригэр эргитэр үптэрэ суоҕа.

Манна сыһыаран эттэххэ, мунньахха Москваттан кэлбит НСА (сахалыы – АНС, агростраховкалааччылар национальнай сойуустара) бэрэстэбиитэлэ сойууска киирэр хампаанньалар (“Стерх” уонна “Согласие” – АНС чилиэннэрэ) аккаастыыр түгэннэригэр АНС салалтатыгар биллэрэргэ эттэ уонна бу боппуруоска икки өрүтү мунньан олорон, олунньу эбэтэр кулун тутар ыйга семинар ыытарга эрэннэрдэ.

***

Пресс-служба Министерства сельского хозяйства РС(Я)

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»