Сомоҕолоһуу сыл сүрүн ситиhиитэ – бырамыысылыннас хайысхатыгар үлэ миэстэтин таһаарыыга 2,500 тыһыынча олохтоох дьон хапсан киирдэ

Ахсынньы 16 күнүгэр, Сунтаар улууһун Аҕа баһылыга Анатолий Григорьев уонна дьаһалта үлэһиттэрэ СӨ Ил Дархана Айсен Николаев быһа эфирга аһаҕас иһитиннэриитин иһиттибит.

СӨ ааһан эрэр Сомоҕолоһуу сыл сүрүн ситиһиилэринэн – 5 тыһыынча кэриҥэ киһиэхэ бырамыысылыннас хайысхатыгар үлэ миэстэтин таһаарыыга 2,5 тыһыынча олохтоох дьон хапсан киирдэ. Быйыл СӨ Ил Дархана уонна Бырабыытылыстыбата күүскэ үлэлэһиитин түмүгэр Өлүөнэ өрүскэ күргэ тутуллар болдьоҕо бигэргэннэ.

Ил Дархан хас биирдии тыын суолталаах хайысхаларга тохтоон инники былааннары сырдатта, ол курдук тыа хаһаайыстыбатыгар 2020 сылтан «Развитие сельского хозяйства и регулирования рынков сельхозпродукции, сырья и продовольствия до 2024 года» бырагыраамма ылыллан, ыанар ынах иитэр чааһынай дьоҥҥо көмө ыларга сүөһү ахсаана урукку курдук 100 төбө буолбакка 25 диэри кыччыырын уонна үүт сыанатын үрдэтэргэ үлэлэр ыытыллыахтара диэн этиилэри киллэрдэ.

Балыыһа боппуруоһугар хас биирдии объектарынан уонна үлэһитинэн түспа үлэлээһин, ону таһынан оҥоһуллар өҥө хаачыстыбатын үрдэтии.

Кэлэр сылга 130 мөл. сууммалаах социальнай суолталаах бырайыактарга Ил Дархан грана олохтонорун биллэрдэ. Сунтаар – Ньурба ЛЭП (Лииния электропередачи) тутуутун саҕалааһына. Кыайыы 75 сылынан сибээстээн сэрии бэтэрээннэригэр уонна сэрии оҕолоругар өйөбүл оҥоруу.

Айсен Сергеевич кэлэр 2020 сылы СӨ «Патриотизм» сылынан биллэрдэ. Биһиги улууска кэлэр сылбыт «Үйэтитии уонна сүгүрүйүү» сылынан биллэриллэн Ил Дархан биллэрбит сылын кытта дьүөрэлэһэр, онон биир программа оҥорон үлэлэһэрбитигэр тоҕоостоох буолар.