Курс валют
$
65.81
0.09
75.32
Курс валют
Курс валют
$
65.81
0.09
75.32
Меню
Поиск по сайту

Өрөспүүбүлүкэ Бырабыытылыстыбатын сыллааҕы үлэтин отчуотун Сунтаар улууhуттан саҕалаата

09.02.2018 15:23 0
Өрөспүүбүлүкэ Бырабыытылыстыбатын сыллааҕы үлэтин отчуотун Сунтаар улууhуттан саҕалаата

Сунтаар улууһугар Өрөспүүбүлүкэ Бырабыытылыстыбатын отчуоттуур делегацията туөрт бөлөххө арахсан үлэтин саҕалаата. Бастакы оробуочай бөлөх састаабын салайа сылдьар СӨ Бырабыытылыстыбатын бэрэссэдээтэлин бастакы солбуйааччыта, СР Тыатын хаhаайыстыбатын министиэристибэтин уонна аска үөлгэ сыhыаннаhыыларын бэлиитикэтин миниистирэ Петр Алексеев. Ону сэргэ Сунтаар улууhун Аҕа баhылыга Анатолий Григорьев, Арассыйа федеральнай мунньаҕын Федерация Сэбиэтин чилиэнэ Александр Акимов, Ил Түмэн депутата Семен Березин отчуокка кытыннылар.


Отчуоту Элгээйи, Кутана, Күүкэй нэhилиэктэринэн саҕалаатылар. Олохтоохтор боппуруостарыттан быhа тардан билиhиннэрдэххэ: саҥа таас детсад тутуута, саха уонна калмык сүөhүтүн иитээhинэ уо.д.а боппуруостар таарылыннылар.
Саҥа таас детсад тутуута уочарат быhыытынан барар, бу уочаракка элбэх ахсааннаах нэhилиэктэр киирэллэр, ол курдук – Тойбохой уонна  Элгээйи.
Саха сүөhүтүн иитээhинин боппуруоhугар СР үрдүнэн 1500 тыhыынча сүөhү эрэ баарын бэлиэтээтилэр, Судаарыстыба иhинэн баар сүөhүнү кэтэх дьоҥҥо атыыламматын туhунан эттилэр, ол иhин базовай хаhаайыстыбаннан дьарыктанар дьонтон атыылаhан ылыахха сөбүн сүбэлээтилэр. Ол курдук, биhиги биир дойдулаахпыт III Бордоҥҥо хаhаайыстыбалаах Василий Михайлович Львов саха сүөhүтүн иитээhининэн дьарыктанарын бэлиэтээтилэр уонна киниттэн атыылаhан ылыахха сөбүн эттилэр.Онтон калмык боруода сүөhүтүн иитээhинэ эмиэ туспа сыһыаны ирдиирин, туспа  границалаан иитиллиэхтээҕин быһаардылар.

Иккис күҥҥэ  отчуоттуур бөлөх Наахара, Бүлүүчээн нэhилиэктэринэн сырытта.  Анатолий Григорьев отчуот саҕаланыан иннинэ Наахара оскуолатын, ФАП объектарын ис туругун, улэлии олорор услуобуйаларын билистилэр.
Нэhилиэнньэ өр сыллаах туруорсуутун түмүгүнэн быйыл сайын федеральнай суолунан Ньурба улууhугар диэри оптоволокно тардыллан улэҕэ киирээри турар. Федеральнай суолтан тэйиччи сытар нэhилиэктэргэ оптоволокно ситимэ ситэри тоҕо тардыллыбатын туhунан ыйыттылар. Отчуоттуур бөлөх иhитиннэрбитинэн оптоволокно киирбит нэhилиэктэригэр эбии оборудование баар буолуохтааҕын туhунан уонна бу розеткаҕа тэйиччи сытар нэhилиэктэр эмиэ холбонуохтарын сөбүн бэлиэтээтилэр.


Бүлүүчээн нэhилиэгин олохтоохторо түмсүүлээхтэрин көрдөрдүлэр.
Киhи күүппэтэх өттүттэн уустук кэм тирээн кэллэҕинэ бары биир ыал курдук түмсэн бэйэ-бэйэлэригэр көмөлөсүhэллэр, кыhалҕа боппуруостарын миэстэтигэр быhаараллар диэн бэлтэтээтилэр.
Түмүккэ улууспут дьоно Бырабыытылыстыба улэтин биhирээтилэр. Сиhилии сонуну Сунтаар сонуннарын хаhыатын нөҥуө билсиэххитин сөп.

***

МТ «Сунтаар улууha»  пресс-сулууспата

Оставить комментарий