Курс валют
$
65.4
0.13
75.65
0.27
Курс валют
Курс валют
$
65.4
0.13
75.65
0.27
Меню
Поиск по сайту

НЬУРБАТААҔЫ КӨТӨР ФАБРИКАТЫГАР САҤА ОБОРУДОВАНИЕ КЭЛЛЭ

04.10.2018 15:50 0
НЬУРБАТААҔЫ КӨТӨР ФАБРИКАТЫГАР САҤА ОБОРУДОВАНИЕ КЭЛЛЭ

Ньурбаҕа Көтөр фабрикатын саҥа оборудованиета кэлэн сүөкэнэ турар. Тэрилтэ дириэктэрин солбуйааччыта Осип Акимов кэпсииринэн, оборудованиены оҥорторууга ыам ыйыгар дуогабар түһэрсиллибит.

Ньурбатааҕы көтөр фабрикатыгар анаммыт оборудование сайын устата оҥоһуллан, балаҕан ыйын 4 к. Калугаҕа аҕалыллыбыт. Балаҕан ыйын 10 к. Томмот тырааныспарын хампаанньатын массыынатыгар тиэллэн, улууска тиийэн кэллэ. Фирма таҥыыга исписэлииһэ кэлэрэ күүтүллэр. Кини салалтатынан фабрика үлэһиттэрэ тэрили туруоруохтара.

Дуогабарга таҥыытын болдьоҕо 26 күн диэн ыйылла сылдьар. Саҥа производственнай оборудование киирэригэр анаан, фабрика дьиэтин муостата оҥоһуллан, ыраастанан бэлэм турар.

Дьокуускайдааҕы көтөр фабрикатыттан 2019 с. олунньу — кулун тутар ыйдарыгар 49680 кууруссаны ылан аҕалыллыахтаах. Инньэ гынан, урут 46 тыһ. кууруссаны иитэн турбут буоллахтарына, эһиилгиттэн Көтөр фабрикатын кыамтата улаатара күүтүллэр.

Саҥа ирдэбиллэринэн, сымыыт харайарга ыскылаат тутуохтаахтар. Эбии сымыыты суортаан суулуур тэрили ылар баҕалаахтар.

***

Ааптар: Геннадий АНТОНОВ.

Оставить комментарий    

!