Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

НЬУРБА УОПСАСТЫБАННАҺА “АЛРОСА”-ЛАРТАН ТУРУОРСАР

28.08.2018 21:52 0
НЬУРБА УОПСАСТЫБАННАҺА “АЛРОСА”-ЛАРТАН ТУРУОРСАР

Бүгүн киэһэ 17 ч. «АЛРОСА-Ньурба» ААУо мунньахтыыр саалатыгар уопсастыбаннас кыттыылаах Иирэлээх, Аччыгый Ботуобуйа уонна Бүлүү өрүс уулара киртийиитин боппуруоһугар Ньурба улууһун баһылыгын сүбэ мунньаҕа буолла. Улуус салайааччылара, хонтуруоллуур уорганнар, тэрилтэлэр, уопсастыбаннас бэрэстэбиитэллэрэ уо.д.а. тыл эттилэр. Аһаҕас кэпсэтии таҕыста.


Улуус баһылыга Алексей Иннокентьев КЧС уурааҕын толоруу булгуччулааҕын санатта, ханнык үлэ барарын иһитиннэрдэ. Салайааччылар айылҕаҕа хоромньу тахсыбытын, ким даҕаны тугу даҕаны кистээбэтин, сөптөөх дьаһаллары ылан боппуруоһу хонтуруолга тутан олороллорун, икки нэдиэлэ кэриҥэ дьон өрүстэн ууну иһэртэн туттуналлара наадатын эттилэр.

Бүлүү өрүс кытылыгар олорор Күндээдэ, Октябрьскай нэһилиэктэрин уонна Ньурба куоратын ууну ыраастыыр ыстаансыйаларынан «АЛРОСА» АК суотугар хааччыйыыны туруорсарга кэпсэтии барда.

Марха өрүс нэһилиэктэригэр 7 ыстаансыйа хас да сыллааҕыта «АЛРОСА» АК-нан бэриллибитэ. Ол эрээри ороскуота кыайтарбакка, сорох нэһилиэктэргэ үлэлээбэккэ турар. ССЭРНУ бырагырааматын салгыырга быйыл алмаас хампаанньатын кытта түһэрсиллиэхтээх Сөбүлэһиигэ, «АЛРОСА» АК генеральнай дириэктэрэ Сергей Иванов сөбүлэҥинэн, ити нэһилиэктэргэ баар ууну ыраастыыр ыстаансыйалары үлэлэтиигэ сыллата 17 мөл. солк. туспа устуруоканан көрүллүөхтээҕэ сылдьар.

Күн аайы Бүлүү өрүс уутун хонтуруоллуур уорганнар анаалыстыы олороллор. Экология кэмитиэтин салайааччыта Анатолий Алексеевэппитинэн, бэҕэһээ 10 ч. уонна 14 ч. анаалыстар түмүктэринэн нуорманы таһынан барыы суох. Ол эрээри кирдээх уу сарсын кэлэрэ күүтүллэр. «Взвешеннэй эттиктэр» диэн кумах, буор, туой ууга суураллыбытын ааттыыллар. Кирдээх уу чугаһаабытынан сибээстээн, итилэр көрдөрүүлэрэ кыралаан үрдээн иһэрэ бэлиэтэммит. Анатолий Алексеев экологтар тулалыыр эйгэҕэ бу саахал төһө дьайыылаах диэн боппуруоһу туруоралларын, кирдээх уу кэллэҕинэ административнай дьыаланы көбүтэн «Росприроднадзор» федеральнай тэрилтэҕэ биэриэхтэрин, СӨ Айылҕа харыстабылын министиэристибэтэ боппуруоһу хонтуруолга тутан олорорун иһитиннэрдэ.

Роспотребнадзор отделын салайааччыта Галина Николаеваттан мунньах кэнниттэн ханнык үлэни ыыталларын туһунан туоһуластыбыт. Онно кини маннык хоруйдаата: «Кирдээх уу кэллэҕинэ дьону ыраас уунан хааччыйар сорук турар. Онон араас сиртэн уу анаалыстарын оҥордубут. Күндээдэҕэ икки уу источнига баар. Биир анаалыһын түмүгэ номнуо биллэр, санитарнай нуормаҕа эппиэттиир, ол эрээри кыра. Ол иһин улахан ханаалтан уу боруобатын ыллараммыт, ол анаалыһа сарсын сарсыарда биллиэҕэ. Оччоҕо кирдээх уу кэллэҕинэ Күндээдэ олохтоохторо иһэллэригэр ол ууттан ылыахтара. Ньурбаҕа сир аннынааҕы икки скажиналаахпыт. Биириттэн Энергетик кыбаартала хаачыллан олорор уонна иккис — Убайааҥҥа «Баай уу» киэнэ. Онтон нэһилиэнньэҕэ атыылыыр. Өрүс уута киртийдэҕинэ «Баай уу» скважинатыттан водовозтар таһыахтара. Оттон Антоновкаҕа икки альтернативнай источниктан анаалыс ылан, эмиэ бэрэбиэркэҕэ сылдьар, сарсын сарсыарда биллиэҕэ”.

***

Ньурба улууһун дьаһалтатын пресс-сулууспата.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»