КЫАЙЫЫ 75 СЫЛЫН КӨРСӨ

Сунтаар улууһун дьаһалтата Кыайыы 75 сылын көрсө “Норуот бюджета” диэн тосхол ийэтэ сэрии кэмигэр, аҕата дойдутун көмүскүү сэрии толоонугар суох буолбут төгүрүк тулаайахтарга дьиэлэрин усулуобуйатын тупсарыыга, өрөмүөҥҥэ көмө буолар бырайыактары өйөөһүҥҥэ туһуланна. Уопсайа 896.570 солк. түөрт кыттааччыга тыырыллан кыайыылаахтарга тигистэ:

1. Бүлүүчээн “Хорсун” ыччат түмсүүтүгэр, сал. Анна Игнатьева – төгүрүк тулаайах Любовь Егорова дьиэтин тупсарыыга 100.400 солк.

2. Түбэй-Дьаархан “Сарыал” түөлбэ, сал. Мира Титова – Серафим Герасимовка, Савва Ивановка көмө 239.000 солк.

3. Сунтаар нэһилиэгин ветераннарын Сэбиэтэ, сал. Люция Иванова – Мария Петроваҕа, Семен Павловка, Степан Чороховка көмө 452.370 солк.

4. Хадан “Матери России” түмсүү, сал. Алена Данилова – Николай Сидоровка көмө 104.800 солк.

***

«Сунтаар улууһа (оройуона)» муниципальнай оройуон дьаһалтатын пресс-сулууспат