Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Кириэстээх уонна Хордогой нэһилиэктэригэр тутуу эбийиэктэрин хаачыстыбаларын көрдүлэр

18.10.2019 11:39 0
Кириэстээх уонна Хордогой нэһилиэктэригэр  тутуу эбийиэктэрин хаачыстыбаларын көрдүлэр

Алтынньы 16 күнүгэр, Сунтаар улууһун Аҕа баһылыга Анатолий Григорьев, тутуу комплексын управлениятын начальнига Иван Егоров уонна тутуу салаатын инжиниэрэ Иван Егоров буолан оробуочай сырыыннан Кириэстээх уонна Хордогой нэһилиэктэригэр бара турар тутуулар хаачыстыбаларын көрдүлэр-иһиттилэр.


Кириэстээх нэһилиэгэр, нэһилиэк баһылыга Александр Григорьев уонна  оскуола дириэктэрэ  Павел Васильев саҥа тутулла турар таас оскуола үлэтин хаамыытын билиһиннэрдилэр. Билиҥҥи тутугунан оскуола сарайын оҥоруутугар киирбиттэр, кэлэр ый саҥатыгар бүтэрэр былааннаахтар.

Нэһилиэк кулуубугар өрөмүөн үлэтэ ыытыллар. Кулууп үлэһиттэрэ бэйэлэрин күүстэринэн кырааскалааһын үлэтин бөдөрүппүттэр. Муостатын акылаатын уларытыы, отоплениятыгар батарыайалары саҥардыы үлэтэ барар.

Салгыы 27х15 миэтирэ кээмэйдээх успуорт саал тутуутун көрдүлэр, манна Хороттон  Владимир Петров биригэдьиирдээх 6 киһилээх биригээдэ ылсан муостатын уурууга, сылааһы биэрэр турбаларын туруорууга үлэтин ыраатыннарбыт, сэтинньи ый бүтэһигэр бүтэрэр сыаллаахтар.

Наахара уонна Хордогой муниципальнай трассаҕа, Агдары үрэҕи туоруур муоста тутуутун хаамыытын билистилэр. Манна аныгы кэм ирдэбилигэр эппиэттиир муоста тутуутугар В.В. Петров салайааччылаах ООО «Меркурий» тэрилтэ үлэни ыытар, тутууга уопсайа 7 единица тиэхиникэ уонна 20-чэ киһи үлэлиир, матырыйааллара барыта кэлбит, үлэ болдьохтоммут былаанынан баран иһэр. Билигин бетон кутуута уонна муоста конструкцияларын таҥыы үлэтэ ыытыллар.  Үлэ хаамыыта тэтимнээхтик барбыт, муоста 2020 сылга бүтэн үлэҕэ киириэхтээх.

Хордогой нэһилиэгэр, нэһилиэк баһылыга Геннадий Васильев уонна  оскуола дириэктэрэ  Валентина Данилова нэһилиэк эбийиэктэригэр барбыт өрөмүөн үлэлэрин сырдаттылар.

В.Г. Акимов аатынан лицей-интернат оскуолатын 32 миэстэлээх интернатыгар, былаанынан ааспыт ый бүтүүтэ благоустройство оҥоһуллан үлэҕэ киириэхтээҕэ кыаллыбатах. Тутууга ООО “Эскалибур” тэрилтэ ылсыбыт, үлэтин түмүгэ ирдэбиллэргэ эппиэттэспэт, быста мөлтөх хаачыстыбалаах буолан, бу боппуруоһу туоратарга элбэх сүүрүү-көтүү, туруорсуу үлэтэ ыытыллар. Инникитин лицей тас өттүн саҥардан өрөмүөннүүр былааннаахтар.

Салгыы, оробуочай бөлөх лицей-интернат базатыгар олоҕурбут, иһэр  уу туругун кээмэйдиир, чинчийэн көрөр лабораторнай киин бырайыагык туругун билистилэр. Бырайыак ирдэбилгэ эппиэттэһэр техническэй документация кэрдиистэрин уонна экспертиза ааһара хаалбыт.

***

“Сунтаар улууhа (оройуона)” муниципальнай оройуон дьаһалтатын пресс – сулууспата.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»