Курс валют
$
86.55
0.75
94.38
1.08
Курс валют
Курс валют
$
86.55
0.75
94.38
1.08
Меню
Поиск по сайту

ИЛ ДАРХАН АЙСЕН НИКОЛАЕВ МЭҤЭ ХАҤАЛАСКА ОРОБУОЧАЙ СЫРЫЫНАН ҮЛЭЛИИР

23.07.2019 08:37 0
ИЛ ДАРХАН АЙСЕН НИКОЛАЕВ МЭҤЭ ХАҤАЛАСКА ОРОБУОЧАЙ СЫРЫЫНАН ҮЛЭЛИИР

Бэҕэһээ, от ыйын 22 күнүгэр, Айсен Николаев Мэҥэ Хаҥаласка оробуочай сырыынан үлэлээтэ. Ил Дархан  Догдоҥо сиригэр-уотугар Анабы алааска отчуттары кытары көрүстэ.


65 гаалаах Анабыга былырыыҥҥыттан ыла эдэр фермер Роман Морозов оттуур. Быйыл алаас олус курааннаан, от үүнүүтэ мөлтөҕүн эттилэр. Алааһы бүтүннүү күрүөлээбиттэр.

 

Мэҥэ Хаҥалас улууһун баһылыга Николай Старостин оройуон сиригэр-уотугар алаас уонна өрүс сирдэрэ курааннаан от үүнүүтэ мөлтөх диир.

Салгыы бөлөх Хорообут бөһүөлэгэр нүөлсүтэр систиэмэни көрдө. Иван Тимофеев аатынан нүөлсүтэр систиэмэҕэ үһүс регулятор өрөмүөн үлэтигэр наадыйарын ыйдылар. Ил Дархан боротокуолга киллэрэн өрөмүөн үлэтигэр үбү-харчыны көрөллөрүгэр сорудахтаата.

Бөлөх Төҥүлүгэ айаннаан иһэн Николай Баишев Нөмүгү оттуур алааһыгар сылдьан ааста. Николай Баишев от үүнүүтэ куһаҕана суоҕун бэлиэтээтэ.

   

Төҥүлүгэ култуура уонна сынньалаҥ киинигэр илин эҥэргэ оттооһун хампаанньатын үлэтин туһунан мунньах саҕаланна. Мунньаҕы Ил Дархан Айсен Николаев салайар. СӨ Тыа хаһаайыстыбатын уонна ас-үөл бэлиитикэтин миниистирэ Александр Атласов өрөспүүбүлүкэ үрдүнэн тыа хаһаайыстыбатыгар бүгүн балаһыанньа хайдаҕын билиһиннэрдэ. Ол кэнниттэн улуус баһылыктарын иһитиннэриилэрин истиэхтэрэ.

***

Ааптар: Зоя ГЕРАСИМОВА

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»