Курс валют
$
73.22
0.39
86.41
0.63
Курс валют
Курс валют
$
73.22
0.39
86.41
0.63
Меню
Поиск по сайту

ХАТЫЫ СУОЛУГАР БИИРГЭ ҮЛЭЛЭҺЭРГЭ САНАНЫЫ БОРОТОКУОЛА ИЛИИ БАТТАННА

01.11.2019 07:20 0
ХАТЫЫ СУОЛУГАР БИИРГЭ ҮЛЭЛЭҺЭРГЭ САНАНЫЫ БОРОТОКУОЛА ИЛИИ БАТТАННА

Алтынньы ый 30 күнүгэр, Ньурба улууһун дьаһалтатын оробуочай бөлөҕө Хатыыга сырыытын кэмигэр Маалыкай-Хатыы суолун оҥорууга оройуон дьаһалтатын уонна «Партнер» ХЭТ икки ардыгар 5 сыл устата бииргэ үлэлэһэргэ сананыы боротокуола илии баттанна. Докумуоҥҥа улуус баһылыга Алексей Инокентьев уонна «Партнер» ХЭТ салайааччыта Владимир Чымыров илии баттаатылар.


Бу күн улуус салайааччылара Хатыыга сырыттылар. Алексей Иннокентьев тыыл бэтэрээнэ Анна Скобелеваҕа «Бэтэрээни суруттар» өрөспүүбүлүкэтээҕи аахсыйанан «Саха сирэ» хаһыакка суруппутун туоһулуур сэртипикээти илдьэн туттарда, кини дьиэтигэр толору хааччыллыы хайдах киллэриллибитин билистэ. Тыыл бэтэрээннэригэр уонна 1 группалаах инбэлииттэр олорор дьиэлэрин хапытаалынай өрөмүөнүгэр, толору хааччыллыыны киллэриигэ улуустан көрүллүбүт көмөнү былырыын уонна быйыл Хатыы 9 олохтооҕо туһанна.

 

Кулуупка нэһилиэнньэни кытта көрсүһүүгэ улуус баһылыга улуус хаһыаттарын биир бастыҥ уопсастыбаннай кэрэспэдьиэнэ Мирослава Ивановаҕа «Мэҥэдьэк кэпсээнэ, Хатыы сонуна» кинигэтэ бэчээттэнэн тахсыбытынан эрэдээксийэ Эҕэрдэ суругун туттарда.

Улуус үлэтин-хамнаһын уонна инники былааннарын туһунан иһитиннэриилэр оҥоһулуннулар. Олохтоохтортон доруобуйа харыстабылыгар, тыа хаһаайыстыбатыгар, биэнсийэнэн хааччыйыыга, мелорацияҕа, уотунан хааччыйыыга сыһыаннаах уо.д.а. боппуруостар уонна туруорсуулар киирдилэр. Тыл эппиттэр Хатыы суола оҥоһуллан эрэриттэн улаханнык үөрбүттэрин биллэрдилэр.

 

Тэрээһин иккис чааһыгар Маалыкай-Хатыы суолун оҥорууга улуус дьаһалтатын уонна «Партнер» ХЭТ икки ардыгар 5 сыл устата бииргэ үлэлэһэргэ сананыы боротокуола илии баттанна. Сотору кэминэн улуус Сүбэтин сиэссийэтигэр көрүллэн бигэргэтилиннэҕинэ, концессионнай сөбүлэһии быһыытынан 26 килэмиэтир усталаах суолу оҥорууга үлэ олоххо киллэриллэн барыаҕа.

***

Ааптар: Геннадий Антонов

Оставить комментарий