«АС-ҮӨЛ 2025» ДЬААРБАҤКА-БЫЫСТАПКАҔА ТЭРЭЭҺИННЭЭХТИК КЫТЫННЫБЫТ

Балаҕан ыйын бүтэһик күннэригэр хомсомуол болуоссатыгар үгэскэ кубулуйбут “Ас-Үөл 2025” тыа хаһаайыстыбатын бородууксуйатын быыстапка-дьаарбаҥка буолан ааспыта. Бу тэрээһиҥҥэ өрүү буоларын курдук биллэр-көстөр үлэлээх кэпэрэтииптэр, бааһынай хаһаайыстыбалар, тэрилтэлэр, оскуолалар бэйэлэрин бородууксуйаларын куорат олохтоохторун, ыалдьыттарын көрүүлэригэр, кыстыкка астарын хаһааналларыгар көрүүгэ-истиигэ туруорбуттара, атыыга таһаарбыттара. Онон биэс күн устата буолбут дьаарбаҥкаҕа элбэх киһи сырытта.

Бу дьаарбаҥкаҕа  «Туймаада» Агрохолдинг хаһаайыстыбалара бэрт тэрээһиннээхтик кыттан бу тэрилтэлэр бородууксуйалара дьаарбаҥкаҕа сылдьар дьон биһирэбиллэрин ылыахтарын ыллылар. Ол курдук дойду үрдүнэн сураҕырбыт “Кладовая Олекмы” ХЭУо оҥорор сыра,  “Бөртө сылгы собуота” хаһаайыстыба сүөгэйэ, “Туймаада” Экоферма этэ, Нерюнгритааҕы куурусса фабрикатын куурусса этиттэн оҥоһуллубут бородууксуйа, “Новый Совхоз” АУо киэҥник туруоруллан прилавоктарга дьон бөҕө тоҕуоруста.

Ону таһынан элбэх киһи бу тэрилтэлэр бородууксуйаларын дегустациялаан көрөн хаһаайыстыбалар астара-үөллэрэ хаачыстыба өттүнэн үрдүгүн бэлиэтээтилэр. Ити кэмҥэ “Байылыат” кафе арыллан ыалдьыттар күһүҥҥү сөрүүн күҥҥэ итии аһылыгы аһаан итии киллэриннилэр.
Бу дьаарбаҥкаҕа “Туймаада” ПК саҥа бородууксуйата “Таптал” диэн ааттаах тушенката туруоруллан бу аһылыктан араас бүлүүдэ оҥоруутугар мастер-класс ыытылынна. Ити барытын түмүгэр үүт бородууксуйата, деликатес атыыта үрдээбитин бэлиэтиэххэ наада.

Дьаарбаҥка түмүгүнэн “Туймаада” ПК “Көтөр этиттэн үрдүк хаачыстыбалаах бородууксуйаны оҥоруу” 2-с степеннээх дипломунан наҕараадаланна.

***
Прокопий ХАБАРОВ