Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Александр Атласов эдэр баһылыктары кытта көрсүстэ

22.04.2019 09:23 1
Александр Атласов эдэр баһылыктары кытта көрсүстэ

Тыа хаһаайыстыбатын миниистирэ Александр Атласов уонна миниистир солбуйааччыта Василий Афанасьев муус устар 19 күнүгэр нэһилиэктэр баһылыктарын кытта көрсүстүлэр. Манна баһылыктар сүрүннээн нэһилиэктэргэ тыа хаһаайыстыбатын тула үөскээбит кыһалҕалар тула кэпсээтилэр, инники былааннарын үллэһиннилэр. Александр Атласов эдэр баһылыктар туох үлэни ыытарга бэлэмнэрин, ханнык хайысхаҕа сүрүннээн болҕомто ууралларын туоһуласта.


Бүгүҥҥү мунньах уратытынан “Сырдык Аартык” кэпэрэтиип​ толорооччу дириэктэрэ, СӨ тыатын хаһаайыстыбатын туйгуна Розалия Алимфиевна Иванова кэлэн кыттыыны ылбыта буолар.
Мустубут эдэр баһылыктарга туһаайан, Розалия Алимфиевна бэйэтин холобуругар нэһилиэккэ кэпэрэтииби хайдах сөптөөхтүк тэрийэн үлэлэтиэххэ сөбүн кэпсээтэ, үгүс боппуруостарга хоруйдаата. Маныаха мустубут дьон Сунтаар Күндэйэтигэр миэстэтигэр тиийэн үлэ-хамнас хаамыытын билсиэх, уопут атастаһыах буоллулар. Уопсайынан, тыа сиригэр ынах сүөһү төбөтө аҕыйыы турар кэмигэр нэһилиэк баһылыга сөптөөх сыалы-соругу туруоран үлэни тэрийдэҕинэ, “Сырдык Аартык” курдук кооперативтар тэриллэн, дьон-сэргэ сүөһүнү аччаппакка иитиэн сөп эбит. “Үлэни сатаан тэрийдэххэ барыта кыалларын «Сырдык аартыктар» дакаастаатылар. Билигин хаһаайыстыбалары бөдөҥсүтүү, кооперативтары тэрийии ыытыллар кэмигэр, «Сырдык аартык» үлэтэ атын нэһилиэктэргэ, улуустарга холобур эрэ буолар”- диэн миниистир тоһоҕолоото. Көрсүһүү отчуот курдук буолбакка, санаа атастаһыытын курдук ааста. Баһылыктар, этэргэ дылы, атах тэпсэн олорон, тустаах ыйытыкка быһаччы хоруйу ылан, сүбэ-ама ылан, инникитин туох-ханнык салаанан салайтаран үлэлииргэ санаа атастаһан бардылар.​

***

ТХМ пресс-сулууспата

Обсуждение • 1

Добавить комментарий
  1. Мэхээлэ

    Ленскай оройуон баhылыгын курдук комо оноруохтарын наада, бары оройуоннарга . Дьон бары да суоhу корон, уут, эт туттарыа этилэр. Казах са5а суохпут.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»