Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Анатолий Григорьев: “Үлэһит дьону биһиги билиэхтээхпит, холобур оҥостуохтаахпыт”

10.02.2018 20:57 1
Анатолий Григорьев: “Үлэһит дьону биһиги билиэхтээхпит, холобур оҥостуохтаахпыт”

Өрөспүүбүлүкэ правительствотын отчуоттуур делегацията Тойбохой, Сунтаар нэһилиэктэринэн сылдьан сыллааҕы үлэтин отчуоттаан түмүктээтэ. Олоохтохтор көхтөөхтүк кытыннылар.

Петр Алексеев. Правительство председателин солбуйааччыта.

Отчуот түмүгэр правительство председателин солбуйааччы Петр Алексеев тыа хаһаайыстыбатын сайдыытыгар тус кылаатын киллэрбит, өр сыллаах сыралаах үлэлэрин иһин Күндэйэ нэһилиэгин Бочуоттаах олохтооҕор Николай Егорович Сергеевка СӨ Тыатын хаhаайыстыбатын министиэристибэтин аатыттан «Саха сирин агропромышленнай комплексын Бочуоттаах үлэһитэ» ааты иҥэриллибит туоһу суругун туттарда.

Ону сэргэ үүнээйи үүннэрэр «Дорбой» биригээдэтин биригэдьииригэр, “Бочуот знага” уордьан, III истиэпэннээх «Үлэ Албан Аата» уордьан кавалердарыгар Елена Спиридоновна Сидороваҕа, үлэ бэтэрээнигэр Аллыҥа нэһилиэгин олохтооҕор, бааһынай хаһаайыстыба, Тойбохой сопхуоһугар өр сылларга ыанньыксыттаабыт Альбина Петровна Саввиноваҕа уонна “Сунтаар” сопхуос Туойдаах отделенияларын биригэдьииригэр, Тэҥкэ нэһилиэгин Бочуоттаах олохтооҕор Розалия Ефимовна Сидороваҕа СР Тыатын хаһаайыстыбатын министиэристибэтин 95-сыллаах үбүлүөйүнэй мэтээллэринэн наҕараадалаата.

Улуус баһылыга Анатолий Григорьев бэлиэтээбитинэн, Сунтаар улууһа тыа хаһаайыстыбатын сирэ буоларынан сибээстээн, бу хайысхаҕа улахан болҕомто ууруллар.

Анатолий Григорьев. Сунтаар улууhун Аҕа баhылыга

Баһылык: “2017 сылы – Тыа сирин үлэһит дьонун сылынан биллэрбиппит. Ол аата боростуой үлэһит дьону: ыанньыксыты, сылгыһыты, хачыгаары, сварщигы, повары, парикмахеры – үлэ дьонун өрө тутуохтаахпыт диэн сыал туруоруллубута. Биһиги кинилэргэ 25 хайысханан идэ таһымыгар күрэхтэһии оҥорбуппут. Бу куонкуруска хас биирдии нэһилиэктэн дьон кыттыбыта. Кыайыылаахтарга 50 тыһыынча суумалаах грант олохтообуппут. Ону таһынан Сунтаарбыт саамай киинигэр “Бочуот дуоската” туруорбуппут, онно бу кыайыылаахтар хаартыскаларын ыйаабыппыт. Үлэһит дьону биһиги билиэхтээхпит, холобур оҥостуохтаахпыт диэн, ордук ыччакка анаан ити “Бочуот дуоската” туруорбуппут. Дьон-сэргэ итини олус сэргээбитэ. Туһугар туспа реклама буолбута. Үлэһиттэргэ дохуот да, сакаас да элбээбитэ”.

Сунтаардар тыа хаһаайыстыбатын министиэристибэтин кытары ыкса үлэлэһэн, араас программаларга киирсэн үлэлэрин тэринэргэ дьулуһуллар.

“Ил Дархан ааспыт 2017 сылга бэйэ оҥорон таһаарар производствоҕа болҕомто ууруохха диэн сыал-сорук туруорбута. Онуоха Сунтаартан түөрт производственнай тэрилтэ грант ылан хаһаайыстыбаларын кэҥэттибиттэрэ, саҥа оборудование атыыласпыттара. Ол түмүгэр оҥорон таһаарар бородууксуйалара элбээн дьоҥҥо хамаҕатык тарҕанан эрэр”, – диэн улуус баһылыга кэпсиир.

Ханна баҕарар буоларын курдук, оҥорон таһаарбыт бородууксуйаны батарар ырыынак ирдэнэр. Бу чааһыгар сунтаардар кэлии-барыы айаҕын төрдүгэр сытар буолан, Мииринэйгэ уонна Ленскэйгэ харахтарын хатыыллар. “Хоту да сытар улуустарбытыгар – Өлөөҥҥө, Анаабырга бэйэбит бородууксуйабытын батарар үлэ бара турар”, – диэн Анатолий Васильевич кэпсиир.

Үүммүт сыл өрөспүүбүлүкэҕэ – Үлэлээх, дьарыктаах буолуу сылынан биллэриллэн турар. Тыа хаһаайыстыбатынан дьарыктанар улуустар анаммыт сылы мүччү туппакка, хайа кыалларынан, саҥа үлэ миэстэтин тэрийэн дьоннорун-сэргэлэрин олохторун туруктаах оҥорсорго ылсыахтара диэн эрэнэбит.

***

Дана СЕМЕНОВА,

Aartyk.Ru

Обсуждение • 1

Добавить комментарий
  1. Бэрткэ суруллубут

    Бу курдук суруйа-кэпсии, билиЬиннэрэ сылдьын мэлдьи.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»