РФ Үөрэҕириитин министиэристибэтин сорудаҕынан бу технологиянан Дьокуускайдааҕы Саха политехническэй лиссиэйгэ уонна биһиги оскуолабытыгар киинэ саалалара үлэлиэхтэрэ.
«Биһиги оскуолабытыгар кинозал арылларын уруккуттан наһаа баҕарбыппыт уонна ол баҕа санаабыт олоххо киирэн эрэриттэн олус үөрэбит. Ол курдук, үөрэнээччилэр араас жанрдаах киинэлэри, ойуулуктары уонна бэйэбит сахалыы киинэлэрбитин көрүөхпүтүн баҕарабыт. Билигин олус үчүгэй сахалыы киинэлэр улахан экраннарга тахсан эрэллэр, олор премьераларын үрдүттэн оскуолабытыгар көрөр буоларбытын долгуйа кэтэһэбит», — диэн оскуола президенэ, 9 кылаас үөрэнээччитэ Соня Семенова үөрүүтүн үллэстэр.
Киинэ саалатын оборудованиета таҥылла сылдьар, видеосибээһинэн «Экстра Синема» үлэһиттэрэ ыйан-кэрдэн биэрбиттэринэн информатика учуутала Егор Николаев монтажтыыр үлэни ыытар.
Эрдэ саңа киинэлэри Ньурба куоракка киирэн көрөр буоллахпытына, билигин олохтоохтор эмиэ Чаппандабытыгар үрдүттэн киинэ көрөр саалалаах буоларбытыттан үөрүүбүт үгүс. Оскуолабыт иһинэн үлэлиэхтээх «Күн» диэн истиҥник, сырдык инникини түстээн ааттаммыт киинэ саалатыгар ситиһиилэри, сайдыыны, элбэх көрөөччүнү баҕарабыт!
***
Лина Семенова
Оставить комментарий