Кэбээйи улууһун баһылыга Иван Левин оройуоҥҥа успуорт сайдыытыгар сүҥкэн кылаатын иһин, «Дыгын оонньууларын» икки кыайыылааҕын иитэн таһаарбыт Мастаах оҕо спортивнай оскуолатын тириэньэригэр Николай Ивановка Кэбээйи улууһун Бочуоттаах олохтооҕун аатын иҥэрдэ уонна 500 солк. харчынан сэртипикээти туттарда.
Кэбээйи улууһун 12 нэһилиэгин баһылыктара Артем Дьяконовка биирдии убаһаны бэлэх ууннулар.
Сэбээн Күөл нэһилиэгин Бурцевтар дьиэ кэргэннэрин родовой общинатыттан Артем Дьяконовка биир табаны бэлэх ууннулар. Үүнэр көлүөнэни успуорка уһуйа сылдьар, чөмпүйүөннэри иитэн таһаарар Николай Ивановка «Сэбээн» МУП 10 таба тыһын бэлэхтээтэ. Урбаанньыт Семен Дьяконов төрөөбүт Кэбээйилэрин дорҕоонноохтук ааттаппыт уолаттарга бэйэтин аатыттан 100-түү тыһыынча солкуобайдаах сэртипикээти бэлэх уунна.
СӨ Упуорт министиэристибэтин аатыттан Ил Түмэн дьокутаата Геннадий Васильев Яков Дмитриевкэ Национальнай көрүҥнэргэ успуорт маастара бочуоттаах аат бэлиэтин туттарда.
Ити курдук, кэбээйилэр Олоҥхо ыһыаҕын иккис күнүгэр Кэбээйи улууһуттан төрүттээх «Дыгын оонньууларын» кыайыылаахтарын Артем Дьяконовы уонна Яков Дмитриевы дьоһуннаахтык чиэстээтилэр.
Оставить комментарий