Инчэҕэй хаар, -20° кыраадыска диэри тымныйар

Саха сиринээҕи Гидрометеорология сулууспата бэнидиэнньиккэ, алтынньы 5 күнүгэр, күн-дьыл туруга хайдах буоларын иһитиннэрдэ.

Өрөспүүбүлүкэ үрдүнэн кыралаан, сорох сирдэринэн орто кээмэйдээх хаар уонна инчэҕэй хаар түһэрэ күүтүллэр. Оттон соҕуруу улуустарга ардахтаах буолуоҕа.

Дьокуускай куоракка кыралаан инчэҕэй хаар түһэр. Түүнүн -4…-6° кыраадыс тымныы, күнүһүн салгын температурата 0…-2° кыраадыс буолуо.

Түүнүн өрөспүүбүлүкэ үгүс улуустарынан

• Киин улуустарга: -3…-8° (халлаан халыннаҕына  -8…-13° диэри тымныйыа).
• Соҕуруу улуустарга: -2…+3° сылаас.
• Хотугулуу-илиҥҥи улуустарга: -15…-20° кыраадыска диэри тымныйар.

Күнүһүн өрөспүүбүлүкэ улуустарынан

• Киин улуустарга: -2…+3°.
• Соҕуруу улуустарга: +3…+8° сылаас.
• Хотугу улуустарга: -3…-8° тымныы.

***

Ааптар: Василий Прокопьев

https://www.magnific.com