Өрөспүүбүлүкэ соҕуруулуу-арҕаа уонна хотугулуу-илин өттүгэр быстах ардахтыыр. Түүнүн Ленскэй, Өлүөхүмэ, оттон күнүс Сунтаар уонна Бүлүү улуустарыгар күүстээх ардахтар, сорох сирдэринэн этиҥнээх ардах түһэрэ сабаҕаланар. Тыал орто күүстээх, этиҥ түһэр кэмигэр сөкүүндэҕэ 15-20 м. диэри тиийэ күүһүрүөн сөп.
Салгын температурата түүнүн +14+19° кыраадыс сылаас буолуоҕа. Халлаан халыннаҕына уонна арҕаа, хотугулуу-илин улуустарга +8+13°, хотугулуу-арҕаа диэкинэн уонна хайалаах сирдэргэ +3+8° кыраадыс буолара күүтүллэр. Күнүһүн халлаан +24+29° кыраадыска диэри куйаарыаҕа. Ардахтаах кэмҥэ уонна хотугулуу-арҕаа улуустарга +16+21°, оттон байҕал кытылыгар +11+16° сылаас буолара сабаҕаланар.
Дьокуускай куоракка сүрүннээн сөҥүүтэ суох буолуоҕа. Тыал түүнүн хотугулуу-арҕааттан, оттон күнүһүн соҕуруулуу-илинтэн сөкүүндэҕэ 3-8 м. түргэннээхтик үрүөҕэ. Салгын температурата түүн +12+14°, күнүс +26+28° кыраадыс сылаас буолара күүтүллэр.
Оставить комментарий