«Ааспыт сыл бэс ыйыгар 80 саастарын туолбут биэнсийэлээхтэргэ кырдьар сааһынан страховой биэнсийэҕэ фиксированнай төлөбүрү (надбавканы) икки төгүл улаатыннарыы көрүллэр — суумата 19 168 солкуобайга тэҥнэһиэҕэ. Бу быраабыла I группалаах инбэлиитинэн билиниллибит гражданнарга эмиэ тарҕанар», — диэн Сафонов эттэ.
Эспиэр бэлиэтииринэн, ардыгар 80 саастаах биэнсийэлээх урут уопсай страховой биэнсийэни ылбыт буоллаҕына, кэнники кини инбэлииккэ тахсыан сөп. Маннык түгэҥҥэ Арассыыйа Социальнай пуондата гражданины кырдьар сааһынан буолбакка, инбэлиитинэн страховой биэнсийэҕэ көһөрөр.
«Бу биэнсийэ кырдьар сааһынан биэнсийэни суоттуур курдук ааҕыллар: ылыллыбыт биэнсийэ баалын ахсаана кини сыанатыгар төгүллэнэр уонна фиксированнай төлөбүр эбиллэр. Ол гынан баран, сүрүн уратыта — фиксированнай төлөбүр кээмэйигэр, ол инбэлиит бөлөҕүттэн быһаччы тутулуктаах», — диэтэ Сафонов.
Эспиэр этэринэн, I группалаах инбэлииттэргэ фиксированнай төлөбүр кырдьар сааһынан уопсай биэнсийэттэн икки төгүл үрдүк. Ону таһынан, 2025 сылтан кинилэргэ көрүүгэ-истиигэ эбии надбавка ананар.
II группалаах инбэлииттэргэ стандартнай фиксированнай төлөбүр — 9 584 солкуобай олохтонор. III группаҕа киирсэр дьоҥҥо фиксированнай төлөбүр кырдьар сааһынан уопсай биэнсийэ 50%-на тиксэр, — диэн Сафонов тоһоҕолоон бэлиэтиир.
Ааптар: Саха Сирэ
Хаартыска: www.perfectstock.ru/photo саайтан
Оставить комментарий