Конкурска Андрей Филиппов бастаата

Бу, аан дойдуга киһи-аймах туохтааҕар даҕаны ордук биһириир бастакы нүөмэрдээх спордун көрүҥэр улахан таһымнаах күрэхтэһиигэ анаан «Дьулурҕан» үгэс быһыытынан конкурс тэрийбитэ. Онно барыта 70 киһи кыттыбыта. Биһиги кинилэргэ барыларыгар махтанабыт!

Конкурс биэс ыйытыылаах этэ, хас ыйытыы ахсын туспа очколаах…

Финалга ханнык хамаандалар тахсыахтарай?

Манна Андрей Неустроев, Андрей Филиппов, Егор Бурцев, Леонид Александров, Владлен Полятинскай, Прокопий Батюшкин, Семен Оготоев – Испания уонна Аргентина диэн сөптөөх хоруйу ыыппыттара.

Ханнык хамаанда кыайыыны ситиһиэй?

Испания чемпионнуур диэн Леонтий Татаринов, Иван Барашков, Николай Обулахов, Сардаана, Андрей Филиппов, Александр Дьяконов, Андрей Александров, Владлен Полятинскай, Николай Стручков, Прокопий Батюшкин, Семен Оготоев, Михаил Шамаев сөпкө таайбыттар.

Финал ханнык ахсаанынан түмүктэниэй?

Бу ыйытыыга сөптөөх сылыктааһыны Петр Федоров уонна Герман Шкулев ыыппыттар. Испания – Аргентинаны 1:0 ахсаанынан хотто.

Үһүс миэстэни ханнык хамаанда ылыай?

Англия үһүс бириистээх миэстэни ылыа диэн үс киһи сөпкө эппит: Андрей Филиппов, Айтал Андреев уонна Андрей Александров.

Чемпионат бастыҥ футболиһынан ким буолуой?

Манна ким да сөптөөх хоруйу биэрбэтэ. Дьон үксэ Мбаппе, Месси, Криштиану, Винисиус… диэбиттэрэ. Ол эрээри, Чемпионат бастыҥ футболиһынан Испания хамаандатын хапытаана Родри (Родриго Эрнандес Касканте) буолла. Кинини биһиги конкурспутугар ким даҕаны ааттаабатах.

Онон, финалга Испания – Аргентина тахсыахтара (1 очко), Испания чемпионнуо (2), үһүс миэстэни Англия ылыа (1) диэн сөптөөх билгэлээһини оҥорон, барыта 4 очкону хомуйбут Дьокуускай куорат 5 №-дээх спортивнай оскуолатын дириэктэрин солбуйааччы, көҥүл тустууга ССРС спордун маастара Андрей Афанасьевич Филиппов“Дьулурҕан” хаһыат футболга Аан дойду чемпионатыгар анаан ыыппыт конкурсун кыайыылааҕынан буолла. Эҕэрдэлиибит!

Петр Федоров, Герман Шкулев, Прокопий Батюшкин, Владлен Полятинскай, Семен Оготоев кыайыылаахтан кыранан хаалан, куһаҕана суох көрдөрүүлэннилэр.

Конкурс кыайыылааҕа бу күннэргэ – спорт таҥаһынан эргинэр «IRON COLLECTION» маҕаһыын cпортивнай көстүүмҥэ сертификатынан наҕараадаланыаҕа.

Саха сирин олохтоохторо, дьон-сэргэ биһирэбилин ылбыт «IRON COLLECTION» маҕаһыын салалтата, чуолаан Макар Зырянов биһиги көрдөһүүбүтүн ылынан, конкурска бириис туруорбутугар барҕа махтал!

***
Петр Павлов