Спамтан аккаастан
Электроннай почтаҕыт сыһыарыытыгар киирэн, туһата уонна наадата суох рекламалаах, спамнардаах суруктары сотторуҥ. Оттон туһанар суруктаргытын паапкаларга наардааҥ: «Үлэ», «Счеттар», «Тус наадалар».
Мессенджердэри ыраастаа
Урукку уонна наадата суох чаттары сотуҥ, аһыллыбатах ханаалларгыттан тахсыҥ, наадата суох бөлөхтөрү аһымаҥ. Бу төлөпүөҥҥүт миэстэтин босхолуо. Ону таһынан, төлөпүөн ностуруойкатыгар киирэн, сыһыарыы «кешын» ыраастыыргытын умнумаҥ.
Сыһыарыылары сааһылаа
Наадалаах сыһыарыылары категорияларынан паапкаларга наардаа: «Бааннар», «Социальнай ситимнэр», «Оонньуулар» уо.д.а. Оччоҕо наадалааххытын түргэнник булуоххут уонна экраан көстүүтэ ыраас буолуо.
Наадата суох сыһыарыылары сот
Төлөпүөҥҥэр баар сыһыарыылар испииһэктэрин көр. Ааспыт ыйдарга киирбэтэх сыһыарыылары соттоххо, туох да куһаҕана суох. Бу миэстэни босхолуо уонна систиэмэ үлэтин түргэтэтиэ.
Хаартыскалары уонна видеолары көһөр
Сотторуллубатах хаартыскалар уонна видеолар гигабайтары сииллэр. Суолталаах хаартыскалары уонна видеолары «облачнай хранилищеҕа» эбэтэр тас носительга (флешкаларга, SD-каарта5а) көһөрүҥ. Онтон төлөпүөнтөн сотуҥ.
«Ыраастаныыны» тиһигин быспакка оҥор
Сыыппара «бөҕүн» мунньумаҥ, ыраастаныыны алта ыйга биирдэ оҥорорго үөрэн.
Оставить комментарий