СВО фондатын үбүнэн байыастарга анаан эбии массыына ылылынна

СВО-ҕа кыттан дойдубутун көмүскүү сылдьар уолаттарбытыгар анаан, улуустааҕы СВО пуондатын үбүнэн массыына ылылынна. Тиэхиньикэни ыраах айаҥҥа анаан Ньурба к. баһылыга Геннадий Игнатьев бэлэмнээтэ. Сүлэ баһылыга Дмитрий Иванов суоппарын кытта массыынаны Дьокуускайга бэҕэһээ илдьэ бардылар.

Уолаттарбытыгар СВО зонатыгар олус наадалаах массыына биир дойдулаахпыт, мобилизованнай байыас С. сайаапкатынан ылылынна. Этэҥҥэ буоллаҕына бу ый бүтэһигин диэки Донбаһы өйүүр пуонда нөҥүө фроҥҥа тиийэн буойуттарбытыгар улахан көмө буолуоҕа.

Улуустааҕы СВО пуондатыгар көхтөөхтүк кыттыһар улууспут олохтоохторугар уонна бу дьыалаҕа көмөлөспүт салайааччыларга, биир дойдулаахтарбытыгар истиҥ махталбытын тиэрдэбит. Бары бииргэ байыастарбытыгар бу курдук эрэллээх тыыл буоллахпытына, Кыайыы түргэнник кэлиэҕэ, уолаттарбыт этэҥҥэ кыайыы көтөллөөх төннүөхтэрэ.

***

«Ньурба» хаһыат