Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Сунтаарга “коронавируска” бэлэмнээх буолуу уонна эминэн хааччыйыы боппуруостарын ырыттылар

12.02.2020 10:41 0
Сунтаарга “коронавируска” бэлэмнээх буолуу уонна эминэн хааччыйыы боппуруостарын ырыттылар
Олунньу 11 күнүгэр, улуус Аҕа баһылыга Анатолий Григорьев Сунтаардааҕы Роспотребнадзор бэрэстэбиитэлин Андрей Федорову, киин балыыһа кылаабынай бырааһын Светлана Иванованы уонна аптекалар салайааччыларын кытары “коронавируска” бэлэмнээх буолуу уонна эминэн хааччыйыы боппуруоһун тула сүбэ мунньах ыыттылар.

Билигин өрөспүүбүлүкэҕэ Кытайтан уонна Кытай аттынааҕы эрэгийиэннэртэн кэлэр поеһы, сөмөлүөтү күүстээхтик бэрэбиэркэлииллэр.  Биһиги улууспут икки дьоно тас дойдуттан сынньанан кэлэллэригэр “коронавирус” анаалыстары Новосибирскай куорат “Вектор” билим киинигэр ааспыттара, анаалыстарын түмүгэ ”отрицательнай” диэн биллэриллэн билигин кэтээн көрүүгэ сылдьаллар. Биһиги улууска бу вирус кэлэ илик, ол да буоллар билигин эминэн хааччыйыы уонна сэрэтии үлэтэ ыытыллар.

Улууска “Эмп-том”, 28 №-дээх аптека, ИП Спиридонова уонна “Рослек” аптечнай пууннар бааллар. Аптекалар салайааччылара тустаах эмтэри сакаастыы туралларын иһитиннэрдилэр. Билиҥҥи туругунан 3000 мааска “Эмп-том” аптекатыгар атыылана турар, сотору кэминэн 28 №-дээх аптекаҕа кэлэрэ күүтүллэр. Эрдэ мааска тас дойдуттан Кытайтан киирэ турбут буоллаҕына, билигин спроһа элбээбитин суотугар манна кэлэригэр сыаната үрдээн киирэр буолла. Ол да буоллар аптекалар нэһилиэнньэ кыһалҕатын өйдөөн мааскалары поставщик сыанатынан атыылыахтара.

***
«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»