Амма эмчиттэригэр соһуччу Москубаҕа мэтээл туттардылар

Үгэскэ кубулуйбут медицинэ кыайбатах ыарыытын эмтиир Дарамаевтар Арассыыйа регионнарын эмчиттэрин сылы түмүктүүр тэрээһинигэр үрдүк сыанабылы ыллылар.

2000 сыллартан үлэлэрин уларытан, үөһэттэн айыллан кэлбит аналларын толорон, дьону эмтиир, ыарыыларын мүлүрүтэр, сөптөөх диагноз туруорар буолбут Альбина уонна Григорий Дарамаевтар Аммаҕа олороллоро ахсааннаах. Ол эбэтэр улуустар ыҥырыыларынан сылдьан, медицинэ кыайбатах ыарыылаах дьону көрөн-истэн, ыарыыларын чэпчэтэн, сорохтор букатын да үтүөрэн махталлара улахан.  Москуба куоракка буолбут эмчиттэр, эзотериктар, парапсихологтар экстрасентар түмсэннэр ааһан эрэр сылга түмүктэри таһаардылар. Манна Амма сирин эмчиттэрэ Альбина Дмитриевна уонна Григорий Анатольевич “За высокий профессионализм, мужество и самоотверженность” диэн РФ Президенин Программаларын өйүүр Политсовет Киин Кэмитиэтин ааттыттан мэтээлинэн наҕараадаланнылар.

***

Источник: тгк канал Aartyk.ru