Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Муомаҕа аан маҥнайгытын хоккейга күрэх ыытылынна

27.03.2022 10:18 0
Муомаҕа аан маҥнайгытын хоккейга күрэх ыытылынна

Тыҥааһыннаах киирсиилэр түмүктэринэн маҥнайгы миэстэни – үөрэҕирии үлэһиттэрин хамаандата, иккиһи – улуус дьаһалтатын хамаандата, үһүс миэстэни Соболоох нэһилиэгин хамаандата ыллылар.

Күрэххэ биэс хамаанда кытынна. Хамаандалар балачча бэлэмнэнэн, кыайардыы ох курдук оҥостон кэлбиттэр. Ол курдук көрөөччүлэргэ бииртэн биир сытыы оонньууну көрдөрдүлэр. Мустубут дьон хамаандаларыгар “ыалдьар” ыһыылара-хаһыылара Индигир өрүс үрдүнэн ыраахха диэри дуораһыйа иһилиннэ.

Күрэхтэһии бэрт тэрээһиннээхтик ыытылынна. Тэрийээччилэр – оройуоннааҕы прокуратура уонна олохтоох полиция.
Кылаабынай судьуйа, оройуон прокурорун солбуйааччыта С. Муксунов бу курдук санаатын үллэстэр:
– Күрэхпит сыалын толору ситтэ. Хамаандалар сүрдээҕин бэлэмнэнэн кэлбиттэрэ үөрдэр. Үчүгэй усулуобуйа тэрилиннэҕинэ, Муомаҕа хоккей сайдар чинчилээх. Эһиил бу оонньууну спортивнай халандаарга киллэртэрэргэ үлэлэһиэхпит.

Күүстээх үлэ кэнниттэн эр дьон куһаҕан дьаллыктан тэйэ туттан иллэҥ кэмнэрин туһалаахтык атаараллара, сөбүлүүр дьарыктаах буолалларын туһугар маннык хабааннаах күрэхтэр ыытыллаллара биһирэнэр эрэ.


***

Источник: Ulus.Media

 

 

 

 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»