Курс валют
$
92.37
0.1
99.53
Курс валют
Курс валют
$
92.37
0.1
99.53
Меню
Поиск по сайту

ХОТУГУ МНОГОБОРЬЕ: САХА СИРИН СПОРТСМЕННАРА КЫАЙЫЫГА ДЬУЛУҺАЛЛАР

06.11.2020 15:16 0
ХОТУГУ МНОГОБОРЬЕ: САХА СИРИН СПОРТСМЕННАРА КЫАЙЫЫГА ДЬУЛУҺАЛЛАР

Бу күннэргэ Красноярскай куоракка хотугу многоборьеҕа Россия чемпионата ыытылла турар. Чемпионакка Россия аҕыс региона: Ненецкэй, Ханты Мансийскай, Чукотскай, Ямало Ненецкэй автономнай уокуруктар, Камчатка уонна Красноярскай кыраайдар, Саха Республикатын уонна Сахалин уобалаһын хамаандалара кытталлар. Барыта 120 спортсмен күрэс былдьаһар.


Күрэхтэһии биэс көрүҥҥэ: үстэ төхтүрүйэн ойууга, сүүрүүгэ, сүгэни быраҕыыга, тынзяны кыыратыыга, наарта нөҥүө ойууга ыытыллар.

Дьиҥэ, бу күрэхтэһии Дьокуускайга ыытыллыахтаах этэ. Ол эрээри, эпидемиологическай балаһыанньа уустугунан сибээстээн чемпионат Красноярскайга көһөрүллүбүтэ. Онон, дойдуга төһө даҕаны ыарахан балаһыанньа турдар, чемпионат Роспотребнадзор бары ирдэбиллэрин тутуһан туран тэрилиннэ.

Россия чемпионатын чэрчитинэн эдэрдэргэ дойду үрдүнэн бастыыр иһин күрэхтэһии ыытыллар. Онуоха уолаттарга Георгий Софронов – үстэ төхтүрүйэн ойуу, үс км сүүрүү, сүгэни быраҕыы көрүҥнэрин түмүгүнэн бастаан иһэр. Аны тынзяны кыыратыы уонна наартаны нөҥүө ыстаныы ыытыллара хаалла. Бу бөлөххө Денис Колесовпыт билиҥҥитэ бэһис көрдөрүүлээх.

Кыргыттарга Амелия Алексеева үс көрүҥ кэнниттэн иккис көрдөрүүлээх.

Эр дьоҥҥо 38 кыттааччы илин-кэлин түсүһэр. Манна биһигиттэн Алексей Созонов билиҥҥитэ бастакы миэстэҕэ сылдьар.

Дьахталларга 24 спортсмен кыттыбытыгар, билиҥҥитэ үс көрүҥ кэнниттэн биһигиттэн Валентина Борисов уонна Антонина Санникова туһааннааҕынан 13-с, 14-с миэстэлэргэ иһэллэр.

Дьэ, ити курдук, бөлөхтөргө барытыгар кэриэтэ Саха сирин хамаандатын спортсменнара үрдүкү миэстэ иһин дьулуһаллар. Кинилэргэ ситиһиилээх кыттыыны баҕарыаҕыҥ! Чемпионат сэтинньи 7 күнүгэр түмүктэнэр.

***

Петр Павлов

Источник: ulusMedia

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»