Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Бөртөлөр собуоттара өрөспүүбүлүкэ үрдүнэн бастыҥнар кэккэлэригэр сылдьар

14.08.2020 10:37 0
Бөртөлөр собуоттара өрөспүүбүлүкэ үрдүнэн бастыҥнар кэккэлэригэр сылдьар

Хаҥалас улууһун Улахан Аан сэлиэнньэтигэр баар “Бөртө сылгы собуота” ХЭТ “Туймаада Агрохолдинг” хампаанньа биир киэн туттар хаһаайыстыбата. Ол курдук бу хаһаайыстыба тыа хаһаайыстыбатын бородууксуйатын оҥорууга өрөспүүбүлүкэ үрдүнэн бастыҥнар кэккэлэригэр сылдьар.


Быйыл сүрдээх үтүө сайын үүнэн Бөртөлөр үүтү да хото ыатылар, күнү баттаһа оту да кыайдылар. Ол курдук хаһаайыстыба үс сайылыкка уопсайа 330 ынаҕы, онтон фуражнайа 257 төбө сүөһүнү таһааран үүт өлгөмнүк ыана турар. Ол сайылыктартан биирэ быйыл саҥа үлэҕэ киирбит.

Бүгүҥҥү көрдөрүүнэн сыл саҕаланыаҕыттан хаһаайыстыба үрдүнэн 506т. үүт ыаммыт. Ити ааспыт сыллааҕы бу кэминээҕи көрдөрүүттэн 59т. элбэх. Онон Бөртөлөр хас биирдии ыанньык ынахтарыттан бэс ыйынааҕы көрдөрүүнү ыллахха 1700 киилэ үүтү ыабыттар. Билигин ити көрдөрүү балачча улааппыт буолуохтаах. Онон сыл бүтүөр диэри ыанньыксыттар 3000-х кирбиини куоһарар кыахтаахтар.

Быйыл от үлэтэ тэрээһиннээхтик саҕаланан, отчуттар ходуһаларга кэмигэр киирэн күөх оту сомсон хаалан билиҥҥи туругунан 2100т. оттоохтор. Онтон былаан буоллаҕына 2700т. Билигин да оттуурга бириэмэ баар, онон ити да былаан туолар кыахтаах. Итини таһынан 600т. сиилэс угуллубут уонна 375т. сенаж бэлэмнэммит. Аны туран звенолар икки ардыларыгар күрэхтэһии тэриллэн отчуттар күнү былдьаһа олус көхтөөхтүк оттуу сылдьаллар.

Билиҥҥи туругунан Бэтилиэккэ звенота (зв. Федоров Нь.Г.) 720т. оттоох, 200т. сиилэстээх. Онтон Уокка Ойоҕоһо (зв. Ефремов В.Г.) уолаттара 450т., Харыйалаах Арыы отчуттара 358т. (Зв. Пахомов И.С.), Сыһыылар 385т. (зв. Иванов В.К.), Бэстээх Үрэх звенота 120т. (зв. Пудов А.В. ) Най Үрэхтэр 80т. оттоохтор. Бу звенону Иванов Дь.В. салайар. Онон Бөртөлөр былааны толорорго бигэ эрэллээхтэр. Мантан күһүн өссө эппиэтинэстээх күннэр тураллар. Күһүҥҥү хомуур.

***
Прокопий ХАБАРОВ 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»