Курс валют
$
92.37
0.1
99.53
Курс валют
Курс валют
$
92.37
0.1
99.53
Меню
Поиск по сайту

Остуоруйаһыттар…

25.06.2018 16:34 28
Остуоруйаһыттар…

Самаан сайын ыһыахтара – быыбар иннинээҕи биллэриллибэтэх хампаанньа буолбуттара хаһыс да сыла. Түөрт сылы быһа иһийэ сыппыт быыбарданар дуоһунастаах дьон өттүк харалаах нэһилиэк-нэһилиэк ыһыахтарын кэрийэн дьоннорун соһуталлар. Сорох-сорохтор маннык эмиэ дьокутааттаах эбиппит дуу диэн килээриччи көрөн кэбиһэллэр.

Сорох дьокутааттары ким да билбэт буоллаҕына, Мэхээлэ Ээбиристэби билбэт киһи суоҕугар сүүс бүк эрэнэбит. Сатахха саҥата-иҥэтэ, кэпсээнэ-кэпсэлэ дэлэйэ барбах киһини өйүн дуомун үнтү ытыйан ымдааннан кэбиһэр.

Эр бэрдэ быыбарга кыттаары тэлэкэчийии. Туох да аҕыйах хонук иһигэр Кэбээйитин устатын-туоратын ылан кэбиспит. Москубанан, омук сиринэн дайбыы сылдьар эр бэрдин хараҕар төрөөбүт улууһа суола-ииһэ балыыҥката, түҥкэтэҕэ, кэнэнэ бэрт быһыылаах, онон аҥаар кырыытыттан ууну-хаары эрдэн, кэпсээн-ипсээн үллэҥнэтэн мундуйдана ахан сылдьар дииллэр.

Кэбээйи биэнсийэлээҕэ дойдутун ыһыаҕар тиийэн саҥа анаммыт баһылыгы – Айсиэн Ньукулаайаптыын Саҥа Дьылы бииргэ бэлиэтиир буолбуттара инньэ 16 сыл буолбутун кэпсээн куллугураппыт.

– Но! Олох чыыннаах-хааннаах киһи тахсыаҕын оччолортон билбит эбит ээ, эриэхсит!

Людмила Валерьевна (бастакы элиэдьи) киниэхэ анаан бүлүүдэ бөҕө астаан тиритэ-хорута турара илэ харахха көстүөр диэри уустаан-ураннаан бурҕаппыт.

– Барахсаныы… – онно-манна силин быһа ыйыстар тыас-уус иһиллибит.

– “Сиэрдээх Арассыыйа” аатыттан Ил Түмэҥҥэ турар буоллум, – диэн бар дьонун уолуппут.

Онуоха көрсүһүүгэ мустубут дьон хайдах эрэ Тумууһабы өйүөхтэрин ыарырҕатыах курдук туттан-хаптан өһүө манаһааһына эҥин буолан киирэн барбытыгар, эр бэрдэ Миисэ имнэнэн баран “сэкириэтинэй мииссийэлээх” ол баартыйаҕа сыстарын сибигинэйэн кэбиспит:

– Айсиэн Сэргэйэбис “ол баартыйаҕа киирэн баран улук буолбут Тумууһабы уларытыаҥ буоллаҕа” диэн сорудахтаата…

– Но!

– Тсс… итини мээнэ кэпсии сылдьаайаххыт! – сутуруга күөрэҥэлээн олорбут.

– Оо…

***

Хас да сыллааҕыта Мэхээлэ Ээбиристэп “Гражданскай платформа” баартыйаттан Охонооһой Махсыымабы сэкиритээриттэн элитээри, ол баартыйаттан Ил Түмэҥҥэ тура сылдьыбыттааҕа. Ол гынан баран, оччотооҕу 2013 сыллааҕы “Кини эрэ” киинэ дьоруойа мииссийэтин толорботоҕо – Кэбээйи-Дьааҥы уокуругуттан хандьытааттан уһуллан баран, Мииринэйгэ тиийэн анньыһа сатыы сырыттаҕына, Политкиллер эккирэтэн тиийэн суутунан уһулан кэбиспитэ. Ол кэнниттэн Махсыымаптыын интернет нөҥүө 3 мөлүйүөннэрин былдьаһан тураллар. Миисэ быыбарга турарыгар Махсыымаптан харчы ылан баран эргийэн кэбиспит бадахтааҕа.

Дьэ, дьааҥылар бэлэмнэниҥ: сотору эһиэхэ остуоруйа киэһэлэрэ  тэриллиэхтэрэ. Ээххитин ылан баран төннөр эрэт буолуохаах. Эрдэ-сылла сөбүлэҥҥитин кумааҕыга тиһэ олоруҥ.

***

Aartyk.Ru

 

Обсуждение • 28

Добавить комментарий
  1. дьэ аахтым

    Буолуо.Кэпсиири сатыыр уол.Арай былаас сайта Нутчина Эбирстэби уехпут болла5ына ,ол аата Айсен

    олох чугаьаппатах эбит.Аартык сайт былаас рупора болбута ыраатта ээ.ЭМИ диэн ханна да барар сирэ суох буолан

    Тумусовка кэллэ5э.Били хаьан эрэ Тумусовы таннарбытын таьычч умунна5а.

  2. куллум а5ай

    Нууччуна бэркэ суруйбут))))

  3. Яна

    Ол кини Дьааныны, Кэбээйини хантан билэн БЭРКЭ суруйаахтыыр?

  4. Ольга

    Мда, дьэ остуоруйаһыт Мэхээлэ эбит! Нутчина вообще үчүгэйдик суруйар, сахалыы особенно бэртик тахсар! Нууччалыы Инна Макарова бэртик суруйар! Маладьыас кыргыттар ! Маннык суруйар сайт суох!

  5. ОТК

    Ооо эверстов диэн уруккаттан балыынка киьи буоллага диии, 90 сыллар тыалларыгар олорсон тахсан баран Аны остуоруйалыыр эрэ кэмэ кэллэгэ!!!

  6. Максимов

    Эми диэн дьиннээх депутат болла. Кэм да күнүүлээн..Дьаабыланыы

  7. сэмэнчик

    игнат хаччыта дэлэй тугу ба5арар таьаатарар бу бутээри сылдьан. эмиэ остуоруйаьыт ээ

  8. Өлүөк

    Адьас Чеховтыы тэттик кэпсээҥҥэ майгынныырга дылы бу суруйуу. Киһи манныктары астына ааҕар. Нууччуна буочара уопсайынан ураты, чаҕылхай. Кытаат, һылльыый, суруйан бачыгыратан ис. Саха суруналыыстыкатыгар Ухханныы элэк, үгэ аҥардаах суруйуулар наадалар.

  9. аагааччы

    Сопко этэгин- Ээбиристэби билбэт киьи суох! Того? Того диэтэххэ кини дойдутугар онорбута опус элбэх!

  10. Саха

    Нутчина тохтуура чугаьаата! Мэхээлэ умнубат буолуохтаах!

  11. Байдам

    Мэхээлэ наьаа сааныма эрэ.

  12. аа5ааччы

    Борустуой дьон туьугар Ээбиристэп са5а ууга-уокка туьэр Киьини дьэ коро иликпин! Уол о5ото кииристин! Ол кини Тумууьапка кэлэрэ оруннаах! Сахалыы тыыннаах дьон тумсэллэрэ ордук. Ол ханнык эрэ хаайыыга сытар Ятэк тойотторун урдулэринэн ааьыан наада. Кинилэр киьилэрэ Смирнов Кэбээйи Уоьээ-Дьааны сиригэр буочуканнан Ятэк куьаган бензинин бырагаттыы-бырагаттыы комуьунэн солотууламмыт остуоруйаны кэпсии сылдьарын бу хаьыат того суруйбата эмиэ биллэр суол. Рынок уйэтигэр улахан быыбардар харчы кордуургэ бэлэм бириэмэ! Биьигини аа5ааччылары оннук акаарылар диирэ эбитэ дуу?!

  13. сэмэнчик

    Нуччина 50 тыь.солк тугу ба5арар суруйо. заказта биэрин.журналюгалар кими да харыстаабаттар

  14. сэмэнчик

    Быьата Нутчина кырдьык ЯТЭК 50000 солкуобайыгар остуоруйа суруйбут. Барахсан аьыан ба5арар буолла5а. Уоруйах Магомедовтар тэрилтэлэриттэн дук гыннаттаран хобу сиби тар5атан эрдэ5э. Михаил Ильич Айсен Сергеевичтыын 2002 сылтан ыкса билсэллэрэ чуолкай суол. Ити сыл Кэбээйигэ В.В.Путин субэьитэ С.Н. Самойлов кэлэ сылдьыбытын иккиэн арыаллаан кэлэ сылдьыбыттара. Муус устар 20 кунугэр Михаил Ильич юбилейыгар Айсен Сергеевич э5эрдэ тылыгар ер сылларга бииргэ алтыьан улэлээн кэлбиттэрин тоьо5олоон турар. Михаил Ильич киириилээх тахсыылаах,принципиальнай, тереебут дойдутун патриота буолар.Кэнники Ил Тумэннэ депутаттарбыт улэлэрэ-хамнастарын биьиги Кэбээйилэр билэбит. Ю.Михайлов диэн депутаппыт хоруупсуйа5а буруйданан сууттанна. А. А. Ноговицын “Е.Р” Саха сиринээ5и баартыйа улэтин мелтехтук ыытан дуоьунаьыттан босхолонно. Аспыт Россия президенын быыбарыгар Саха сирэ Россия5а В.В.Путинна саамай а5ыйах куолаьы биэрбитэ.Онон бу кэлэр быыбарга Ил Тумэннэ Кэбээйилэр-Верхоянскайдар Михаил Ильич курдук депутаттахпытына инники дьыл5абыт дьэнкэ-ыраас буолуо5а, сайдыы-уларыйыы баар буолуо5а.

  15. сэмэнчик

    Бэс ыйын 21, 23 куннэригэр Кэбээйи нэьилиэгэр М.И.Эверстов,И.И.Левин кэлэ сэргэхситиини киллэрдилэр. Ол курдук бэс ыйын 21 кунугэр оскуола актовай залатыгар оскуола выпускниктарын,педколлективын,олохтоохтору кытары керустулэр.Михаил Ильич меценат быьыытынан сылын аайы медалис о5олорго 10 тыь. стипендия олохтообута. Муус устар 20 кунугэр Дьокуускайга ДП-1 дьиэтигэр былырыынны 6 медалис о5олорго стипендия туттарбыта. Онтон быйылгы выпускниктартан эмиэ стипендияны 6 о5о ылар чиэскэ тигистилэр. О5олорбут харда тылларыгар Михаил Ильиьынан киэн тутталларын биллэрдилэр. Михаил Ильич быйылгы быыбарга Ил Тумэннэ туран эрэрин онтон Иван Иванович улуус баьылыгар туран эрэллэрин истэн олохтоохтор ытыс таьыныытынан керустулэр. Истин кэпсэтии,боппуруостарга эппиэттээьин буолла. Медиктэр куннэринэн 3 улэьиккэ ведомственнай на5араада туттардылар. Аны куьунну Ил Дархан быыбарыгар Айсен Сергеевич Николаевка мунутуур элбэх куолаьы биэрэргэ Михаил Ильич ынырыытын олохтоохтор ытыс тыаьынан керустулэр. Харда тылларыгар олохтоохтор Михаил Ильичка, Иван Ивановичка ситиьиини кыайыыны ба5ардылар. Итини сэргэ Михаил Ильич Иван Иванович Чагда5а,Арыктаахха,Мастаахха,Мукучуга,Сангарга сылдьан олохтоохтору кытары керустулэр,ыьыахтарга кытыннылар.

  16. Ник

    Нутчина маладьыас, норуот билиэн нада ким хайдах сылдьарын, сылдьыбытын .

  17. Анна

    Суруналыыс сэпкэ суруйара, дьонно тириэрдэ гына ол баар саамай улахан ситиьиитэ! Туох да иэбиккит иьим Туйаара Нутчина суруйарын киьи бары сэнээрэр, итэгэйэр. Эверстов кэпсэлэ остуоруйа буолбакка…..

  18. Аанага

    Нуучча киьитэ этэринии: “сделай сказку былью”. Ити Эверстов кырдьыга даганы тункэтэх Кэбээйи уоона Куокуй нэьилиэктэригэр таас оскуола да туттарбыта олохтоохторго остуоруйа тиллибитин кэриэтэ этэ. Кини депутаттаан бутуогуттэн хас сыл ааста? Туох да уларыйыы суох, биир Ильковскай байарын эрэ санаан бэйэтэ дьыалага эриллэ сылдьар. Оттон Ноговицыннара бэл Единай Россия курдук былаас комолоьор партиятын кыайан салайбакка уьуллан баран, 5 сыл устата тугу да онорбокко гынан баран, эмиэ киирсээри сордоно ахан сылдьар дииллэр. Хата кинилэр фантазияларын истиэх баара…

  19. Кырдьаҕас

    Ноговицины буораппыттар.едарастары. аны сиэрдээхтэр былааһы ылар буолбуттар. Айсен таайын Тумусовы поддержкалыыр боллаҕа

  20. кырдьагаска

    Сиэрдээх Россия дьининэн Путин тэрийбит партиятата. Единай наьаа олигархтар, чиновниктар партиялара буолла диэн. Борустуой дьон интэриэьин комускуургэ анаан. Онон кыахтаах дьон Сиэрдээх Россияны кууьурдэллэрэ соп. Хайатын мунун Единайдар бэлэм ыраастаммыт суолу быыбар аайы тэлиэхтэрэй. Дьин куустээх, кыахтаах дьону кытта кииристиннэр ээ. Тумусов даганы норуот ытыктыыр куустээх санаалаах киьитэ. Тоьолоох утарылаьыыны тулуйан кэллэ! Кууьурэрэ булгуччулаах!

    • Нарыйа

      Путин тэрийбит буолан норуоту кэрбииргэ сөбүлэһэ олорор көрүнньүк партия эбит дии, партия ахсаанын эбэр аатыгар эрэ партия.

  21. Елексей

    Нутчина харчыга суруйбут буолла5ына мин босхо да суруйуом ити киhи туhyнан! Саамай кырдьыгы суруйбут, ессе эбит дьонно, о5олорго стипендия дии дии пустой конверт биэртэлээччи, отой балыынка киьи, мин 18 сыл бэркэ билэр киьим

  22. Дьоьун

    ЯТЭК киьитин талыахтаа5ар Ээбиристэби талыам ээ, Ноговицын уота куеьэ суох, партия туох дииринэн сылдьар, баран дойдугун атыылаа диэтэгинэ атыылыыр, билигин били Борисов барыан иннинэ успейдаабатагын оноро сылдьар быьлаах.
    Эбиристэп буойун бо, Ил Тумэннэ мунньахха кини баарыгар ким да спокойно утуктуу олорбот, туруорса сылдьарын барытын этэн тыынан, этиьэн бутэьигэр онотторор. Урут ессе Барыыбап Ил Дархан буолан кырдьагас киьи ол бу уларыйыыттан толлон Эверстов этиилэрин поддержкалаабат этэ. Билигин Айсен Николаев эдэр киьи наоборот итинник хамсатыылаах дохсун дьону поддержкалыыра боло. Керсуьуулэрин да кердеххе барыта урукку оппозиция диэн ааттанан реперессия кэриэтэ курдук сылдьыбыт дьону кытта керсуьуу бегете. Ол КУрдук Максимовтыын, Евсеевтыын, Владимир Федеровтуун керсустэ. Ол дьон куруук норуот туьугар аьара этинэннэр правительствоттан туораабыттара. Сахалар дейен утуйан олорбут кэммит буттэ!!!

  23. Елексейга

    Сымыйаннан кэпсээннэри Кэбээйигэ уонна Уоьээ Дьааныга сура5а Ноговицын уонна Игнат Спиридонов дьонно кэпсии сылдьаллар дииллэр. Ама Ноговицын итиччэ улугэр ГУП ЖКХ курдук тэрилтэни эьэн, банкрот ыытан баран, былаас партиятын молтотон баран, сырайа сааппакка киирсээри гынара буолуо дуо? Ханнык сирэйинэн дьону утары короро буолуой?

  24. сэмэнчик

    Кырдьык, сааппаттар ээ. Мелтех дьоннор…киьи да улэьит да быьыытынан. Кереерун, уксэ дьон кинилэри талыахтара суо5а, эппэтэ5э дьиэйэххитий

  25. Мэхээс

    Эверест ити Нуутчинаны кэьэтэр буолбут. Бу сайт Сабыллар буолбут! Буойун кордоруо5э Смигытын !

  26. Бэйэ киьитэ

    Ол Ноговоцынныт саас, дьахтар кунугэр, сиэмэтин тар5аппытын иьин куоластаары олоро5ут дуо?! Пахай да5аны! Бу сыллар устата улууьугар тугу онордо? Улахан тэрилтэни эстэрдэ, Единай Россияттан да уьулунна. Игнат олорор кэмигэр туох уларыйыы та5ыста? Мин керуехпэр биир кэм… Туораары гынным диэн ыксаан, республика салаайааччыларын кытта хаартыска5а туьэ туьэ сымыйаннан отчуоттаабыта буолар. Куьун керуехпут дьэ, ункуулээн бутэн эрдэххит ини…

  27. петр слепцов

    Хата, быйыл бу атырдьах ыйын санатыгар Үөһээ Дьааҥы оройуонун Арыылаах нэһилиэгин Бала сэлиэнньэтигэр икки остуоруйаһыт кэлэн ааспыттарын көрдүм да, иһиттим да. Саас сааһынан кэпсээтэххэ маннык: Киэһэ 8 чаас саҕана оттоон баран дьиэбитигэр тахсаары Сартаҥ өрүһү туораары оҥочо күүтэ олордохпутуна уҥуор водометтаах “судзуки” мотордаах оҥочо кэлэн тохтоото. Биһиги өрүһү туоруохпутугар диэри ол кэлбит дьон оҥочолоруттан тахсыбатылар. Кинилэри көрсө адьас ким да киирбэтэ, олох да күүппэтэхтэр быһыылаах… Хата, моторист дьээдьэни көрөн билэр киһим эбит. Аҕыйах тылынан кэпсэттибит. Ил Түмэн депутатка кандидаттарын икки Саняны уонна кинилэри арыаллыыр үһүс Саняны Сартан нэһилиэгэр Үҥкүргэ илдьэн эрэр эбит. Биһиги сыыр үрдугэр тахсыахпытыгар диэри дьоммут оҥочолоруттан түспэккэ эрэ, Бала эбэ хотун буоругар үктэммэккэ эрэ салгыы айаннаан куугуната турдулар. Сарсыныгар Бала эбэ хотун 192 миэстэлээх кулуубугар киэһэ 9 чаастан күндү депутатка кандидаттар көрсүһүүлэригэр бардым. Кыратык мунньах анаммыт чааһын куоттаран кыбыста-кыбыста тиийбитим да киһи аҕыйах буолан соһутта. Мунньахпыт өссө чаас аҥаара хойутаан уон үс истээччилээх саҕаланна. Улахан дуоһунастаах Саня олохтоох оскуолаҕа икки тонна бензини биэрбитэ тоҕо итэҕэс кэлбитин ситэри бэрдэриэм уонна бензин билигин биир литрэтэ 63 солкуобайга атыыланар бензини сыанатын аны 55 солкуобайга диэри аллара түһэриэм диэн “үөртэ”. Арай мин арбайбыт маҕан баттахтаах төбөбөр итиччэ кээмэйдээх бензин урукку да сылларга хас оскуола аайы, сыл аайы, ама, бэриллэн испитэ буолуо дуу уонна ити бензин сыаната кини быыбарданнаҕына эрэ дуу, эбэтэр Россия федеральнай антимонопольной сулууспатын солбуйааччы тойоно Цариковскай Саха сиригэр кэлбитинэн эрэ буолуо дуу диэн ыйытыылар салгыҥҥа ыйаннылар. Аны кыһыҥҥы муус-хаар сир сиигэ буолан буолан симэлийэн сүтэн иһэрин курдук күн-түүн аайы аччаан иһэр аччыгый дуоһунастаммыт Саня наар чиновник быһыытынан тустаах функциональнай үлэтин ааспыт өттүгэр хайдах толорбутун туһунан кэпсээтэ, оттон тустаах депутатскай боломуочуйатын толоруутун туһунан туспа арааран өйдөнөр гына сырдаппата. Урукку быыбарга Кэбээйигэ 89%, Верхоянскайга 83% ылбытын санаппытыгар “бу быыбарга хас бырыһыаны ылыаххыный?” диэн ыйытыыга бу мунньахха муҥутаан мустубут уон биэс киһиэхэ туһаайан “Ону быыбардааччылар эһиги билиэххит буоллаҕа” диэн бэрт сэмэйдик хоруйдаата. Дьиҥинэн, Арыылаахха (Балаҕа) саҥа квартальнай котельнай киирбитэ. Быйыл ыаллар олорор дьиэлэригэр киин квартальнай котельнайтан итиини киллэрэр ситимнэри тарда сылдьаллар. Магистральнай ситимнэри турбаларын тардыыга уонна төлөөһүннэ ыйытыылар элбэхтэр. Хас бырайыак баарый, олортон ханнык проект экспертизаны ааспытай, турбалары тардыы схемата тутуһуллар дуо, уулуссаны туоруур турбалар тоҕус ый тоҥ буордаах дойдуга тоҕо сиргэ тимирдиллэллэрий? Авария буоллаҕына ол турбалары хайдах өрөмүөннүүллэр? Балтараа чаас устата буолбут мунньах улахан анара производственнай мунньах курдук буолан таҕыста. Мунньах түмүктэниитигэр кыра дуоһунастаах Саняны “таҥара бэлэҕинэн” ааттаатылар уонна хаалбыт уонча киһи Ил Түмэҥҥэ депутатка кандидаттары кыттта хаартыскаҕа түстүлэр.

Оставить комментарий