Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Мэҥэҕэ бастыҥ үлэлээх инбэлииттэр түмсүүлэринэн догдоҥолор ааттаннылар

14.04.2017 12:10 0
Мэҥэҕэ бастыҥ үлэлээх инбэлииттэр түмсүүлэринэн догдоҥолор ааттаннылар

Соторутааҕыта, Мэҥэ Хаҥаласка, Д.Ф.Ходулов аатынан норуот айымньытын дьиэтигэр Россияҕа – Экология, өрөспүүбүлүкэҕэ – Ыччат, улууска – Бэйэ оҥорон таһаарыы сылларыгар анаммыт улуустааҕы инбэлииттэр уус-уран көрүү куонкурустарын чэрчитинэн, бэйэ илиитинэн оҥорбут быыстапкалара тэрилиннэ.

Быыстапкаҕа улуус 17 нэһилиэгиттэн: Хараттан, Догдоҥоттон, Дьабыылтан, Нөөрүктээйиттэн, Бүтэйдээхтэн, Төҥүлүттэн, Мэҥэттэн, 1-Тыыллыматтан, Мэлдьэхситтэн, Доллуттан, Хорообуттан, Тараҕайтан, Мөҥүрүөнтэн, 2-Наахараттан, Хаптаҕайтан, Майа сэлиэнньэтиттэн  уонна  Аллараа Бэстээх бөһүөлэгиттэн 93 киһи кытыннылар. Куонкуруһу улуустааҕы инбэлииттэр уопсастыбаларыттан Нина Слепцова, Александра Назарова уонна норуот айымньытын дьиэтин үлэһиттэрэ иилээн-саҕалаан ыыттылар. Ырыаһыт Сардаана Осипова, улуус бэтэрээннэрин сэбиэтин бэрэссэдээтэлэ Маргарита Максимова салайааччылаах дьүүллүүр сүбэ үлэлээтилэр.

Биирдиилээн ырыа куонкуруһугар бастыҥнарынан Николай Лыткин (Лоомтука), Пантелеймон Бурнашов (Павловскай), Татьяна Дьяконова (Балыктаах), Светлана Гоголева (Бөкө), ансаамбылынан толорууга дьахталлар ансаамбыллара «Кырдьыбат вальс» (Бөкө), дуэкка Елена Яковлева, Роман Никифоров «Дьоро киэһэҕэ»; үҥкүүгэ Зинаида Иванова (Аллараа Бэстээх), Надежда Лыткина (Тумул), (Бүтэйдээх), «Эрэл» үҥкүү кэлэктиибэ (Балыктаах), Семен Катакинов (Тумул); норуот тылынан уус-уран айымньытыгар Догдоҥо нэһилиэгин дьахталларын фольклорга нүөмэрдэрэ, Александра Григорьева (Хочо), Мөҥүрүөн нэһилиэгин фольклорга ансаамбыла; сыаҥкаҕа Светлана Гоголева ааптардаабыт «Отонньуттар» нүөмэрэ (Догдоҥо); хоһооннорго Афанасий Кузьмин (Хорообут), Мария Слепцова (Табаҕа), Евдокия Попова (Бүтэйдээх); быыстапкаҕа бастыҥ үлэлэринэн Виктор Черемкин, Светлана Иванова (Бөкө), Альбина Борисова (Балыктаах), Ольга Дьячковская (Тумул), Зинаида Иванова (Аллараа Бэстээх), Мария Плотникова, Александра Авелева, Николай Карпов, Сергей Леушин (Павловскай), Николай Романов (Аллараа Бэстээх), Марианна Рожина (Майа), Февролина Луковцева (Хочо), Людмила Кириллина (Бүтэйдээх), Татьяна Варламова (Лоомтука), Дмитрий Лыткин (Матта) ааттаннылар .

2016 сыл түмүгүнэн, бастыҥ үлэлээх инбэлииттэр түмсүүлэринэн Догдоҥо нэһилиэгэ ааҕылынна, Аллараа Бэстээхтэн Марфа Пугачева биһирэбил бириискэ тигистэ, Балыктаахтан Прасковья Бродникова бэлиэтэннэ.

***

Светлана ИВАНОВА,

Бөкө, Мэҥэ Хаҥалас.

 

 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»