Кулун тутар 21 күнэ – Сылгыһыт күнэ

Саха Өрөспүүбүлүкэтигэр Сылгыһыт күнүнэн!

“Ньурба улууһа” муниципальнай оройуон Дьаһалтатын уонна улуус Сүбэтин аатыттан кулун тутар 21 күнүгэр өрөспүүбүлүкэ үрдүнэн бэлиэтэнэр Сылгыһыт күнүнэн манна сыһыаннаах бары үлэһиттэри уонна бэтэрээннэри ис сүрэхпититтэн, итиитик-истиҥник эҕэрдэлиибит!

Сылгыны үөрдээн иитии былыргыттан Саха сирин хаһаайыстыбыннай үлэтин-хамнаһын үгэс буолбут төрүт салаатынан, национальнай баайынан уонна ураты киэн туттуутунан буолар. Саха норуотун матырыйаалынай уонна духуобунай култуурата бүтүннүүтэ сылгыны – Дьөһөгөй оҕотун өрө тутууну кытта сибээстээх. Кыһын устата бытарҕан тымныыларга хаһан аһаан айаҕын булунар саха сылгыта уонна сылгыны үөрдээн иитии бүтүн аан дойдуга биллэр уонна улахан интэриэһи үөскэтэр. Сылгы иитиитин сайыннарар уонна манна үлэлии сылдьааччылары өйүүр туһуттан, СӨ Ил Дарханын Ыйааҕынан 2017 сылтан Сылгыһыт күнэ олохтоммута. Бүгүн Аммаҕа манна анаммыт өрөспүүбүлүкэ таһымнаах улахан тэрээһиннэр ыытылла тураллар. Өрөспүүбүлүкүтээҕи “Сылгыһыт күрэҕэ”, племенной сылгылар быыстапка-дьаарбаҥкалара уо.д.а. тэрээһиннэр буолаллар. Улууспут биир туспа ааттаах-суоллаах баайыттан биирдэстэрэ буолар Мэҥэдьэк боруодатын сайыннарарга,  сылгы базаларын тутууга, сылгыттан ылыллар аһы-үөлү дэлэтиигэ болҕомто ууруллар. Степан Васильев аатынан сылгы собуота өрөспүүбүлүкэ бас билиитигэр бэриллэн,  “Саха сүөһүтэ” генофонднай тэрилтэ   отделениетын быһыытынан туруктаахтык үлэлии-хамсыы олорор, инники кэскилгэ туһуламмыт былааннар олоххо киллэриллиэхтэрэ.

Бу күн сылгы иитиитигэр сыһыаннаах үлэһиттэри, бэтэрээннэри чиэстиибит. Эһиэхэ барыгытыгар үлэҕитигэр салгыы ситиһиилэри, үтүө доруобуйаны, дьолу-соргуну уонна табыллыыны баҕарабыт! 

***
Ньурба улууһа” МО баһылыга А.М.ИННОКЕНТЬЕВ.                              

Улуус Сүбэтин бэрэссэдээтэлэ С.И.ЕВСЕЕВ.