Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Дьокуускай куорат Думатын спикерэ Альберт СЕМЕНОВ: Үйэлээх үбүлүөйү өрөгөйдөөхтүк көрсөргө бэлэмнэнэбит

27.04.2021 11:12 0
Дьокуускай куорат Думатын спикерэ Альберт СЕМЕНОВ: Үйэлээх үбүлүөйү өрөгөйдөөхтүк көрсөргө бэлэмнэнэбит

Ытыктабыллаах Саха сирин олохтоохторо!

Дьокуускай куорат Думатын уонна тус бэйэм ааппыттан Саха Өрөспүүбүлүкэтин күнүнэн ис сүрэхпиттэн эҕэрдэлиибин!

1922 сыл муус устар 27 күнүгэр Бүтүн Сойуустааҕы ЦИК дэкириэтинэн Саха Автоновнай Сэбиэскэй Социалистическай өрөспүүбүлүкэтэ тэриллибитэ. Онтон 70 сыл ааспытын кэннэ, 1992 сыл муус устар 27 күнүгэр, Өрөспүүбүлүкэбит устуоруйатын саҥа кэрдииһинэн буолбут өрөспүүбүлүкэ саҥа Конституцията олоххо киирбитэ.

Бүгүн биһиги Өрөспүүбүлүкэбит судаарыстыбаннаһа төрүттэнэригэр улахан өҥөлөөх дьоммутугар – Максим Аммосовка, Платон Ойуунунускайга, Степан Аржаковка, Исидор Бараховка уонна кинилэри кытта биир күөҥҥэ сылдьан өрөспүүбүлүкэ кэскилин туһугар турууласпыт дьоҥҥо ытыктабылбытын биллэрэбит. Кинилэр биһиги тыйыс кыраайбыт сайдыылаах, инникилээх буоларыгар улахан олук уурбуттара. Өрөспүүбүлүкэбит экономиката, култуурата, үөрэҕириитэ ол күнтэн ыла кэскиллээх суолунан өрө барбыта. Биһиги өрөспүүбүлүкэбит устуоруйатынан киэн туттар бырааптаахпыт.

Бүгүн Саха сирэ Уһук Илин эрэгэйиэннэргэ биир иннин диэки балысханнык хардыылаан иһэр эрэгэйиэнинэн буолар. Экономика уонна уопсастыба сайдарыгар бары кыахтар оҥоһуллаллар, бырамыыссыланнас саҥа салааларын аартыктара аһыллаллар, тыһыынчанан үлэ миэстэтэ тахсар, сылын аайы үтүмэн олорор дьиэ тутуллар, социальнай эбийиэктэр үлэҕэ киирэллэр.

Үүнүөхтээх 2022 сылга биһиги улахан суолталаах даатаны бэлиэтиэхпит – Саха АССР төрүттэмитэ 100 сылын. Өрөспүүбүлүкэ бары муниципальнай тэриллиилэрэ, ол иһигэр «Дьокуускай куорат» куорат уокуруга үйэлээх үбүлүөйү өрөгөйдөөхтүк көрсөргө бэлэмнэнэр. Бу устуоруйаҕа бэлиэтэнэр улахан даата биһиги хотугу эрэгэйиэммит сайдарыгар өссө биир үктэлинэн буолуоҕа.

Бүгүн өрөспүүбүлүкэ киин куоратыгар – Дьокуускай куоракка болҕомто улахан. Ил Дархан Айсен Николаев дьоһун соруктары туруорда – Дьокуускай куорат төрүттэммитэ 400 сылын бэлиэтиир кирбиитигэр, биһиги куораппыт дьон олоҕун хаачыстыбатынан дойду бастыҥ куораттарыгар тэҥнэһиэхтээх. Онон биһиги Дьокуускай биир бастыҥ хотугу куорат буоларыгар туох баар күүспүтүн, кыахпытын ууруохпут. Дьокуускай куорат кэнчээри ыччаттарбыт киэн туттар киин куоратынан буолуоҕа!

Барыгытыгар дьолу, доруобуйаны, байылыат олоҕу уонна инникигэ эрэли баҕарабын!

***

Альберт СЕМЕНОВ,

Дьокуускай куорат Думатын бэрэссэдээтэлэ 

Оставить комментарий