Курс валют
$
58.45
0.27
55.72
Курс валют
Курс валют
$
58.45
0.27
55.72
Меню
Поиск по сайту

Үөһээ Дьааҥыга Андрей ТАРАСЕНКО салайааччылаах правительство бөлөҕө кэлэн барда

05.09.2022 (4 недели назад) 07:59 0
Үөһээ Дьааҥыга Андрей ТАРАСЕНКО салайааччылаах правительство бөлөҕө кэлэн барда

Үөһээ Дьааҥы улууһун мунньаҕын депутата Владислав КРИВОШАПКИН биллэрбитинэн, Дьааҥыга  правительство бэрэссэдээтэлэ Андрей Тарасенко салайааачылаах улахан правительственнай бөлөх кэлэн үлэлээн барда.

Тарасенконы кытары правительство бэрэссэдээтэлин бастакы солбуйааччыта, сайыҥҥы халаан содулун туоратарга ыксаллаах быһыы суһал штабын салайбыт Дмитрий Садовников, Арктика дьыалаларыгар миниистир Владимир  Черноградскай уо. д. а. кэккэ салайааччылар сырыттылар.

Правительство салайааччыларын Үөһээ Дьааҥы улууһун баһылыга Гаврил Чириков арыаллаан сырытыннарда. Салайааччылар сарсыарда 10 чааска сөмөлүөтүнэн кэлэн баран  киэһэ 17 чааска Дьокуускайдаабыттара. Бириэмэ төһө да ыгым буоллар Верхоянскай куоракка, Дулҕалаах нэһилиэгэр уонна Баатаҕайга сылдьан үлэлээтилэр.

Верхоянскай куоракка, Дулҕалаах нэһилиэгэр Тарасенко халаан уутун содулун туоратарга үлэ төһө барбытын хонтуруоллаата. Үп – харчы хамсааһыныгар министиэристибэлэргэ, улуус дьаһалтатыгар сорудах биэрдэ.

Улуус киинигэр – Баатаҕайга – правительство салайааччыта уопсай түмүк мунньахха Үөһээ Дьааҥы улууһун инники сайдыытыгар предпринимательство оруолугар тохтоото.Олохтоох предпринимателлар үлэлэрин, боппуруостарын билистэ. Халаан содулун туоратарга үлэлээбит хас да предпринимателларыгар махтал суруктары туттарда.

А. В. Тарасенко: “Арктическай Дьааҥыга инникитин айылҕа хамсааһыныттан, уларыйыытыттан тахсар улахан халаан курдук куттал кэлэ да турдаҕына, дьулайан, бэринэн олорон хаалар сатаммат. Көмүскэнэр кэлим дьаһаллары, холобур, үрэхтэр сүнньүлэрин көннөрөр, ыраастыыр  улахан үлэни хайдах ыытыахха сөбүн үөрэтиэхпит, тэрийиэхпит.

Бастатан туран, Суордаах бөһүөлэгин үрэх сүнньэ көһөн илдьэ барар кутталын туоратыахха наада. Бырайыак оҥоһулунна, 2023 сылга олоххо киириэ. Оннук курдук үлэ Дулҕалаах нэһилиэгэр эмиэ наада эбит диэн тумуккэ кэллим”, –  диэн эттэ.

Үөһээ Дьааҥы баһылыга Г. И. Чириков: ” Биһиги, дьааҥылар, бу сайыҥҥы улахан иэдээммит содулун туоратарга
үөһээ салалтаттан улахан болҕомтону, көмөнү биллибит. Ил дархан Айсен Николаев, Уһук Илиҥҥэ Россия президенин бэрэстэбиитэлэ Юрий Трутнев кэлэн, үлэлээн барбыттара. Ол быһыытынан республика правительствотын бэрэссэдээтэлэ Андрей Тарасенко бу кэлэн үлэлээн барда. Үөһээ салалтаҕа уонна сайыны быһа биһигини кытта быһаччы үлэлээбит Дмитрий Садовниковка, Владимир Черноградскайга, бары атын правительство үлэһиттэригэр Дьааҥы олохтоохторун аатыттан дириҥ махталбытын тиэрдэбит!” – диэн эттэ.

***

Владислав КРИВОШАПКИН,

Үөһээ Дьааҥы улууһун Мунньаҕын депутата

Оставить комментарий