Сонун – СОНУН буолуохтаах
Саха араадьыйатыгар «Ил Дархан нэдиэлэтэ» диэн биэрии баар, кэпсээччи Ноев.
Афанасий Иванович саҥата-иҥэтэ чөллөрүйбут, дорҕоонноммут… Эрээри. Сонуна суох. Холобур, бүгүҥҥу уһун синньигэс биэриитигэр биир эрэ сонуну эттэ – кыаммат-түгэммэт дьон дьиэлэригэр гаас киллэрэргэ субсидия харчытын, Айсен Николаев дьаһалынан, 100 тыһыынчаттан 150 тыһыынчаҕа диэри үрдэттилэр диэн. Уоннааҕы кэпсээнэ барыта: «эрэнэрин биллэрдэ», «тоһоҕолоон бэлиэтээтэ», «мунньахтаата», «кыттыыны ылла», «көрүстэ», «түмсүөххэйиҥ»…
Баһылык, правительство пресс-сулууспатыгар анал үөрэхтээх дьон бааллара дуу? «Сонуннары» кэпсииллэриттэн сылыктаатахха хайдах эрэ суох курдуктар, ээ?
Бокуонньук Олег Якимов, журналистикаҕа үөрэтэр аан бастааҥҥы лекциятыгар наар этэр буолара: «Сонун – сонун буолуохтаах. «Милиционер Иванов уоруйаҕы тутта» – бу сонун буолбатах. Тоҕо диэтэххэ, бу милиционер Иванов уоруйаҕы тутара кини быһаччы үлэтэ, ол иһин киниэхэ государство хамнас төлүүр.
Оттон «Илья Михальчук уоруйаҕы тутта» – диэн сонун. Тоҕо диэтэххэ, киин куорат мээрэ уоруйаҕы саҕатыттан харбыыр эбээһинэһэ суох уонна биллэр киһи уоруйаҕы туппута дьон болҕомтотун тардыан тардар.
Оттон Илья Михальчук мунньахтаабыта, оскуола туппута, суол оҥорбута – сонун буолбатах. Бу – кини күннээҕи үлэтэ, ону «сонун» оҥостуу сөбө суох, сыыһа».
Афанасий Ноев кириитикэни истэр, ылынар киһи. Урут бу биэриигин наһаа хомойбуттуу, хоргуппуттуу, 1941 сыллааҕа информбюро сводкатын курдук ааҕаҕын, арыый сэргэх соҕустук саҥар диэн тылы ылыммыта. Аны билигин сонуну сонун курдук оҥор диэн баҕа санаалаахпыт.
***
Араадьыйа истээччилэр,
Источник – тгк @Aartyk.ru
Күннэтэ тэттик сонуннары сыыдамнык тиэрдэр, ырытар, кэпсиир, дьүүллэһэр @Aartyk.ru телеграм-каналга суруттарыҥ!
Обсуждение • 5
Добавить комментарийОставить комментарий
Шиномонтаж Левша
Cтоматология 32
Урут бэйэтин бириэмэтигэр Аартыктар тапталлааххыт андаатары арбыыр этэ…
Уопсайынан олох сэҥээрбэт киһим, кэнники истэ да сатаабат буолбутум кинини.
Эс, Егор Борисов са5ана НВКларга кёцул тыына баар этэ. Бу кэнники дархан Николаев НВКны наЬаа ытарча5а ылла. Ол инниттэн ити НВК директорын солбуйааччытынан быЬа Ефимова диэн бэйэтин эрэллээх киЬитин а5алан олорто (уйэтигэр НВК улэлээбэтэх дьахтары), бэйэтин тус балтынан, улугэрдээх гонорар тёлёттёрё-тёлёттёрё, психолог дэтэн, ити тэрилтэ кадрдарын сыымайдатар быЬыылаах. Ноев эмиэ кинилэргэ эбии ханыы буолан араатардыыр буолла5а. Дьицэ, урукку президеннэр бэйэлэрин итинник арбамматтар этэ.
Онтон СМИ барыта итинник буолбута ыраатта дии. Кэллэ, барда, олордо, эттэ – хронометраж курдук, дьиннээх профессионал журналистар тононон буппуттэрэ. Ойдобул да умнулунна, урут сурукка тиьиллибит барыта кыралыйар кырдьык буолла5ына билигин киьи сиидэлээн да кырдьык тоорохойун булара саарбах…
Тотторутун, саха СМИ – тэ уксэ, ордук официальнай, былаас орто урукку, сэбиэскэй саганаагы агитпроп – тан онон тахса, уларыйа илик. Онноогор “Туймаада” сэбиэскэй кэм общ. корр. кырдьагастарын мээрилиир тусулгэлэрэ, усун – синньигэс бооччойууларын ыйыыр дуоскалалара.
СМИ сонунан эрэ мунурданара филип пестряков сагаттан тираьы эккирэтииттэн сагаламмыта. Ол кэмнэртэн кадр отлелын куьаган улэтин тумугэр билиилээх суруналыыстар тономмуттара.