Курс валют
$
92.75
0.31
100.44
0.55
Курс валют
Курс валют
$
92.75
0.31
100.44
0.55
Меню
Поиск по сайту

Бэҕээһиҥҥи түрүлүөн

25.01.2024 08:49 6
Бэҕээһиҥҥи түрүлүөн

Бэҕэһээ норуот сөбүлээн туттар бассааба арахсан информационнай вакуумҥа түһэн ыллыбыт. Саамай ыксаабыттара кырдьаҕастар буоллулар, VPN арааһа хачайданна, өрөөбүт уоспутун өһүлэн төлөпүөнүнэн эрийэн эт куоласпытынан кэпсэтэн ыллыбыт. “Бээ, урут бассааба суох хайдах олорбуппут буолла”, – диэн мунаахсыйар саҥалар иһилиннилэр. Киһи үчүгэйгэ түргэнник үөрэнэр.

Бастакытынан, сонун-нуомас, күннээҕи түбүк, үлэ – социальнай ситимнэртэн тутулуга улааппыта көһүннэ. Иккис өттүнэн, былаас соцситими балайда саба тутар кыахтааҕын көрдөрдө. Үсүһүнэн, дьону мунньуу туохтаан сылтаан тахсыан сөбө эмиэ улахан суолталааҕа бэлиэтэннэ.

Социальнай ситими туттан миграннары утары дьону уулуссаҕа таһаарыы Дьокуускайга үстэ таҕыста. 2011 сыллаахха ыам ыйын 11 күнүгэр гастарбайтер В.Нерсисян саха кыыһын күүһүлээн баран тымныыга таһырдьа быраҕан, кыыс илиитин-атаҕын тарбахтарын үлүтэн быстаран турар.  Мустуу төрүөтэ – буруйдаах киһини бастаан хаайа сытан баран, суут иннинэ аарыстан босхолообуттара. Ол кэннэ социальнай ситиминэн ыҥырсан Ленин болуоссатыгар 1000 кэриҥэ ыччат мустан буруйдааҕы кытаанахтык сууттуулларын модьуйбута. Түмүгэр Нерсисян 4,5 сылга уопсай хаайыыга уураахтаммыта уонна атаҕастаммыт кыыска саат куттарыыта 300 тыһ. төлүөхтээҕэ.

Иккис быһылаан 2019 сыллаахха кулун тутарга тахсыбыта. Киргизияттан сылдьар мигрант саха дьахтарын күүһүлээбит диэн сурах тарҕанан 200 киһи Комсомольскай болуоссакка мустар. Онтон сарсыныгар 6000 кэриҥэ киһи “Триумф” уораҕайыгар түмсэр. Өскөтүн 2011 сыллааҕы быһылааҥҥа буруйдаах киһи аата-суола, атаҕастаабыт кыыһа кимэ-туга, буруйдаах бириигэбэрэ биллэр буоллаҕына, бу сырыыга им-дьим. Бүтэһигэр: “А была ли девушка?” – диэн ыйытыы үөскээбитэ.

Аны бу сырыыга таджик киһитэ саха уолун быһахтаабыт диэн төрүөт көһүннэ. Араас хаһыаттар суруйбуттарыттан, Кыайыы болуоссатыгар 100-500 киһи мустубут диэн. Оттон видеоҕа көрдөххө быдан аҕыйах. Дьон тарҕаспыт, сорохторун тутаттаан полицияҕа илдьибиттэр диэн да, ИДьМ туох да иһитиннэрии оҥорбот.

Туох диэн түмүгү оҥоруохха сөбүй? Биллэн турар, элбэх киһини биир сиргэ мунньуу хаһан баҕарар тэрийээччилээх буолар.  Мустар төрүөт эмиэ араастаах. Оҕону-дьахтары атаҕастааһын ханнык баҕарар киһилии обществоҕа ыарыылаахтык ылыныллар. Оттон эр киһини көмүскүүр  санаа уот ыстанарын курдук кэлбэт. Туох киһиний, туохтан сылтаан, тоҕо…

Миграннары утары хамсааһыннар, санаалар Россия обществотыгар сайыны быһа таҕыстылар. Бассаабынан Москваҕа, Москва таһынааҕы куораттарга миграннар хаамсыылара дии-дии элбэх видео тарҕаммыта. Дьон өйүн-санаатын бэлэмнээһин барар. Миграцияны биирдиилээн дьон быһаарбат дьыалата. Систиэмэ бэйэтэ бэрээдэктиир эрэ кыахтаах – сокуонунан, хонтуруолунан, тустаах усулуобуйа оҥорон.

Дьокуускайга бэҕэһээҥҥи быһылаан “учебнай эрчиллии” буолуон сөп.  Тымныыга элбэх киһи өр мустубат да, турбат да. Иһэ-иһэ түүҥҥу кулуупка айдаарсыбыт уолаттары улаханнык ким да көмүскүү кэлбэт. Саамай сүрүнэ – соцситими саба тутуу төһө көдьүүстээҕин сыаналаатахтара.

***

Aartyk.Ru

Обсуждение • 6

Добавить комментарий
  1. впн

    Сегодня продолжились попытки блокировки мессенджеров WhatsApp и Telegram в России. “Тренировочные” отключения коснулись нескольких регионов. Основной упор делается на возможности блокировки WhatsApp, так как этот мессенджер российское руководство считает наиболее опасным. Ближайшие четыре недели стоит ожидать более масштабных попыток отключения популярных мессенджеров и видеохостинга YouTube. Использование VPN, на данном этапе, позволяет обходить проблемы связанные с блокировкой.

  2. вероятно

    Российское руководство торопится с подготовкой возможностей по блокировке мессенджеров и видеохостинга YouTube в преддверии президентских выборов. Социальные сети, мессенджеры и видеохостинг YouTube могут стать центром манипуляций “извне” с попыткой спровоцировать хаос и расшатать систему. Самым простым решением, в этом случае, считается блокировка.

  3. 1121

    В 2019 году Айс издал указ запрещающий работу мигрантов в торговле. Ни один китаец или таджик не ушел из своего ларька. Наоборот с тех пор мигрантов стало в несколько раз больше. Во всем виновата политика кролика.

  4. Горожанин

    В принципе неплохо,что не работают,отдохнули,начали звонить друг другу,никто не достает весь день,мнн нравится,

  5. тукулутта

    Власть показала чтоб якобы было хорошо,идти на
    грубое нарушение ежедневных
    насущных потребностей население, причинен крупный ущерб и так трудно работающим ИП, самозанятым и вообще всем , что нам остается, на носу выборы, вступая на выборный участок подумайте об этом

Оставить комментарий