Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Үөһээ Бүлүү улууһугар Бырабыыталыстыба 2020 сыллааҕы үлэтин отчуоттаатылар

25.02.2021 14:08 0
Үөһээ Бүлүү улууһугар Бырабыыталыстыба 2020 сыллааҕы үлэтин отчуоттаатылар

Бүгүн, олунньу 25 күнүгэр, Үөһээ Бүлүү оройуонун култууратын дьиэтигэр СӨ Бырабыыталыстыбатын ааспыт 2020 сыллааҕы үлэтин отчуота зуум платформа нөҥүө барда. Отчуоту СӨ тырааныспар уонна суол-иис хаһаайыстыбатын миниистирэ Владимир Сивцев иһитиннэрдэ.


Отчуот саҕаланыытыгар ааспыт сыл устата өрөспүүбүлүкэҕэ туох-ханнык үлэ барбытын, нэһилиэнньэ олоҕо-дьаһаҕа хайдах быһыылаахтык уларыйбытын туһунан видеоролик  көрдөрдүлэр.

Үөһээ Бүлүү улууһун 21 нэһилиэгин баһылыктара зуум платформа нөҥүө холбоннулар.

Өрүс уҥуоргу нэһилиэктэргэ кыһалҕалаах тыын боппуруоһугар үрдүк күүрүүлээх уот ситимин өрөмүөнэ, ситим кыамтатын улаатыннарыы буоларын Дүллүкү баһылыга Егор Николаев бэлиэтээтэ. Ону тэҥэ хас сыл аайы Бырабыыталыстыба отчуотугар мэлдьи туруоруллар Хоро, Нам нэһилиэктэрин уонна Үөһээ Бүлүү сэлиэнньэтин тайаан сытар Бүлүү эбэ биэрэгин бөҕөргөтүү боппуруоһа эмиэ бэрилиннэ. Итиэннэ хас да нэһилиэккэ урут эрдэ оҥоһуллубут сир анныттан иһэр ууну ылар скважиналары улуус бас билиитигэр бэриллэн олохтоохторго туһаны аҕалалларын ситиһэр туһунан этиини улуус баһылыга Владимир Поскачин боротокуолга киллэттэрдэ.

Харбалаах, Тамалакаан, Ороһу нэһилиэктэринэн ааһар федеральнай трасса аспаалын өрөмүөннээһин, кыра нэһилиэктэргэ ФАП-тар тутууларын, эргэ оскуолалаах нэһилиэктэргэ оскуола-саадтары тутуу, интэриниэт өҥөтүн туһаныы сыанатын чэпчэтии уо.д.а. тыҥаан турар боппуруостар, туруорсуулар этилиннилэр.

Министиэристибэлэр өттүлэриттэн үлэ ханнык таһымҥа сылдьарын, туох харгыстар баалларын сиһилии быһаардылар, сүрүн боппуруостар бары мунньах боротокуолугар киллэрилиннилэр. Бу туһунан сиһилии “Үөһээ Бүлүү” хаһыат №14 сиһилии ааҕыаххытын сөп.

***

Кристина Яковлева

 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»