Үлэлэригэр бэриниилээх улуус тэрилтэлэрин бастыҥ үлэһиттэрин эҕэрдэлээтилэр

Ахсынньы 28 күнүгэр, сылы түмүктүүр сүбэ мунньах куйаар ситимин нөҥүө бэрт сэргэхтик уонна уратытык ааста. Ол курдук 2020 сыл үтүө түмүктэринэн дьаһалта аактавай заалыгар улуус туһааннаах тэрилтэлэрин салайааччыларын, исписсэлиистэрин бастыҥ көрдөрүүлээх үлэлэрин иһин улуус Аҕа баһылыга Анатолий Григорьев эҕэрдэлээтэ.

Ол курдук “СӨ үөрэҕириитин үтүөлээх үлэһитэ» Бочуотунай аат – Сунтаар улууһун үөрэх салалтатын муниципальнай органын түмэлин үлэтин салайар кылаабынай специалиһыгар Альбина Ивановаҕа туттарылынна.

СӨ Бырабыыталыстыбатын Грамотатынан – С.Г. Кривошапкин аатынан тулаайах уонна көрүүтэ-истиитэ суох хаалбыт оҕолорго СӨ судаарыстыбаннай тэрилтэтин эбии үөрэхтээһинин салайааччыта Анастасия Иванова наҕараадаланна.

Улуус Аҕа баһылыгын Бочуотунай Грамотата – Кэмпэндээйи орто оскуолатын научнай-методическай үлэҕэ директоры солбуйааччы, физика учууталыгар Зоя Авксентьеваҕа туттарылынна,

«Сунтаар улууһун культуратын сайдыытыгар кылаатын иһин» Бочуотунай бэлиэннэн – Сунтаардааҕы оҕо искусствотын оскуолатын директора Алексей Степанов наҕараадаланна.

«Сунтаар улууһун үөрэҕириитин сайдыытыгар кылаатын иһин» Бочуотунай бэлиэни – Кэмпэндээйи орто оскуолатын иитэр-үөрэтэр үлэҕэ директоры солбуйааччытыгар Светлана Крыловаҕа туттарылынна,

«Сунтаар улууһун тыа хаһаайыстыбатын сайдыытыгар кылаатын иһин» Бочуотунай бэлиэннэн – Кириэстээх нэһилиэгин урбаанньыта Юрий Лавров наҕараадаланна.

«Сунтаар улууһун доруобуйа харыстабылын сайдыытыгар кылаатын иһин» Бочуотунай бэлиэлэри – Кэмпэндээйи нэһилиэгин фельдшерскай-акушерскай пуун сэбиэдиссэйигэр Инна Игнатьеваҕа уонна Кириэстээх нэһилиэгин врачебнай амбулаториятын кылаабынай бырааһыгар Любовь Павловаҕа туттарылынна.

“Сунтаар улууһун нэһилиэнньэтин харысхаллаах буолуутугар өҥөлөрүн иһин” Бочуотунай бэлиэннэн – Кириэстээх нэһилиэгин 2-с нүөмэрдээх Баһаарынай чаас суоппара Алексей Ксенофонтов наҕараадаланна.

Улуус Аҕа баһылыгын Грамотата – Руслан Афанасьев салайааччылаах “Автобест” хааччахтаммыт эппиэтинэстээх тэрилтэ коллективыгар туттарылынна,

Улуус Аҕа баһылыгын махтал суруга – “Жилкомсервис” хааччахтаммыт эппиэтинэстээх тэрилтэ коллективыгар туттарылынна,

2020 сылга Өрөспүүбүлүкэтээҕи элбэх оҕолоох дьиэ кэргэн күрэҕэр үһүс бочуоттаах миэстэни ылбыт Сунтаар нэһилиэгин олохтоохторугар – Диана, Алексей Ивановтары эҕэрдэлээтилэр.

***

«Сунтаар улууһа (оройуона)» муниципальнай оройуон дьаһалтатын пресс- сулууспата