Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

СҮРҮН СОРУК – ОТУ БЭЛЭМНЭЭҺИН

11.08.2021 10:17 0
СҮРҮН СОРУК – ОТУ БЭЛЭМНЭЭҺИН

Туймаада”Агрохолдинг АУо тыа хаһаайыстыбатынан дьарыктанар биэс хаһаайыстыбатыгар бу күннэргэ от бэлэмнээһинин былдьаһыктаах күннэрэ тураллар. Быйыл ардах түспэккэ от үүнүүтэ хаһаайыстыбаларынан мөлтөх туруктаах. Онтон былаан холдинг үрдүнэн 7750 туоннаҕа тэҥнэһэр. Бу сайын устата барыллааһын быһыытынан 6250 туонна от бэлэмнэнэрэ сабаҕаланар. Билиҥҥи туругунан хаһаайыстыбалар 3709 туонна оту бэлэмнээбиттэр.

Биирдиилээн хаһаайыстыбаларынан ылан көрдөххө, “Кладовая Олекмы” ХЭТ ааспыт нэдиэлэтээҕи туругунан 321 туонна оттоох. Ааспыт сылга баччаларга 947 туонна оттоох эбит. Былааннара 1100 туонна. Бу дойдуга эмиэ курааннаан от үүммэккэ балаһыанньа ыараабыт. Ол да буоллар хаһаайыстыба отчуттара ыраах чугас сири барытын оттоон 850 туоннаны булунар санаалаахтар.

Онтон “Туймаада Экоферма” хаһаайыстыбаларыгар былаан 2400 туоннаҕа тэҥнэһэр. Билиҥҥи туругунан 1216 туонна оттоохтор. Былырыын баччаларга 2157 туонна оттоох эбиттэр. Тэрилтэ хаһаайыстыбалара эмиэ Өлүөхүмэлэр курдук баар сири барытын оттоон 2000 туоннаны булунар санаалаахтар.

 

 

Бөртө сылгы собуота” ХЭТ окко былаана бу хаһаайыстыбалартан саамай элбэх. Ол курдук былаан быһыытынан 3000 туонна оту бэлэмниэхтээхтэр. Быйыл эмиэ курааннаан от үүнүүтэ ордук үөһээ сирдэригэр быстар мөлтөх. Ол да буоллар хаһаайыстыба отчуттара 1542 туонна оттоохтор. Барыллаан ааҕыынан 2500 туонна от бэлэмнэнэрэ сабаҕаланар. Совхоз НовыйАУо былаана 350 туонна. Биллэрин курдук Мииринэй оройуонугар бу сайын улахан уоттар тураннар балаһыанньа олус уустук. Биллэн турар ол от бэлэмнээһинигэруустуктары үөскэтэр. Бу хаһаайыстыба баар кыаҕы барытын туһанан 150 туоннаны бэлэмниир соруктаах. Онтон “Победа” ХЭТ 900 туонна от былааннааҕыттан бу күннэрдээҕи туругунан 555 туоннаны бэлэмнээбит.

Уопсайынан ыллахха от муҥутаан бэлэмнэнэр кэмэ бу ый. Онтон ити ылбыт чахчыларбыт бу нэдиэлэ саҕаланыытынааҕы сыыппаралар. Онон манна бука элбэх уларыйыы тахсыбыт буолуон сөп. Уонна хаһаайыстыбалар бары оттонор сири барытын оттуурга сорук оҥостон үлэлиир санаалаахтар. Онон аны күһүҥҥэ диэри элбэх уларыйыы тахсыан сөп. Итини таһынан “Туймаада Агрохолдинг” салалтата хаһаайыстыбаларга от бэлэмнээһинигэр улахан болҕомтотун ууран араас хабааннаах көмөнү  оҥоро олорорун бэлиэтээн этиэххэ сөп.

Билигин биһиги бары туох баар күүһү окко уурдахпытына эрэ кэлэр кыстыгы этэҥҥэ туоруохпут

***
Прокопий ХАБАРОВ 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»