Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Сунтаарга карантин биллэриллэн үлэ хаамыыта уонна киирии-тахсыы тохтоон турар

25.04.2020 19:17 0
Сунтаарга карантин биллэриллэн үлэ хаамыыта уонна киирии-тахсыы тохтоон турар

Муус устар 24 күнүгэр, СӨ үрдүнэн кииннэммит суһал штаб салалтатын кытта улуустар «Коронавирус» инфекциятын утары сүбэ мунньах. Сүбэ мунньахха СӨ Ил Дархана Айсен Николаев самоизоляцияҕа олорор уонна вахтаннан үлэлиир дьоҥҥо улахан хонтуруолу ирдээтэ.


Роспотребнадзор Саха сиринээҕи управлениетын салайааччыта Маргарита Игнатьева улуус Аҕа баһылыктарыгар оройуоҥҥа атын регионнартан контрагынан үлэлии кэлиэхтээх исписсэлиистэр испиэһэктэрин эрдэттэн биллэрэллэригэр сэрэттэ. Биһиги улууска вахтовай поселокка карантин биллэриллэн үлэ хаамыыта уонна киирии-тахсыы тохтоон турар.

Билигин киирэр сиргэ видеокамера туруоруутугар үлэ ыытыллар, оччоҕо баҕалаах киһи куйаар ситимин ноҥүө холбонон балаһыанньаны билсэ олороругар табыгастаах буолуо. Элбэх квартиралаах уопсай дьиэлэргэ уонна маҕаһыыннарга дезинфекция үлэтин күүһүрдэр курдук эбии миэрэлэри ылан үлэ салҕанар. Ону сэргэ, туһааннаах тэрилтэлэргэ эбии бэйэни харыстанар танастарынан уонна тэриллэринэн хааччыйыы үлэтэ барар.

Бүгүн полиция уонна кииннэммит балыыһа үлэһиттэригэр сакааһынан кэлбит противочумнай көстүүмнэри, дезинфицирующай средстволары, мааскалары уонна ачыкылары туттардылар.

***

Сунтаардааҕы суһал штаб пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»