Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Сунтаарга Билии күнүн бэлиэтээтилэр

01.09.2021 17:51 0
Сунтаарга Билии күнүн бэлиэтээтилэр

Балаҕан ыйын 1 күнүгэр, Сунтаардааҕы политехническай лицей-интернат оскуолатыгар бастакы чуораан линейкатын тэрийдилэр. Үгэс быһыытынан оскуоланы бүтэрэр выпускниктар 5 кылааска үөрэнэ киирэр оҕолорго өйдөбүнньүк бэлэхтэри туттардылар, үөрүүлээх тэрээһин сүрүн бэлиэтин —алтан чуорааны алын уонна үрдүкү кылаас үөрэнээччилэрэ чугдаарда тыаһаттылар. Үөрүүлээх тэрээһининэн үөрэнээччилэри, төрөппүттэри уонна саҥа учууталлары үөрэх дьыла саҕаламмытынан улуус Аҕа баһылыга Анатолий Григорьев уонна үөрэҕирии управлениетын салайааччыта Альберт Иванов эҕэрдэлээтилэр.


Быйыл Сунтаар улууһугар уопсайа 4324 үөрэнээччи Билии аартыгын аанын арыйда. Бастакы кылааска 421 оҕо, оскуоланы 318 выпускник бүтэрэр, 18 эдэр специалистар педагогическай үлэлэрин саҕалыахтара.

«Образование» национальнай бырайыак олоххо киириитин үлэтэ улууска күргүөмнээхтик, былааннаахтык ыытыллар. Быйыл саҥа үөрэх дьылыгар 6 оскуолаларга «Точка Роста» естественнонаучнай хайысхалаах кииннэр аһылланнар үлэлиэхтэрэ. «Цифровая образовательная среда» федеральнай бырайыакка 5 оскуола холбоһон үлэлииллэрэ былааннанна.

19 оҕо уһуйааннара уонна 6 эбии үөрэхтээһин тэрилтэлэрэ очнай режиминэн үлэлиэхтэрэ. Сунтаар нэһилиэгэр 240 миэстэлээх «Солнышко» оҕо уһуйаанын саҥа таас дьиэтэ аһыллан үлэлиэҕэ.

***

«Сунтаар улууһа (оройуона)» муниципальнай оройуон дьаһалтатын пресс-сулууспата.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»