Солоҕоҥҥо туөлбэнэн уулусса киэргэтиитигэр “КИЭҤ ТУТТА, МАХТАНА…” күрэх тэрилиннэ

Улуу Кыайыы күнэ биһиги дьиэ кэргэҥҥэ улахан суолталаах. Ол курдук биһиги аҕабыт Дьячковскай МИХАИЛ Михайлович  “Бойобуой үтүөлэрин иһин”,  “Японияны кыайыы иһин” мэтээллэрдээх сэрииттэн эргиллэн кэлбит, А5а дойду сэриитин ll степеннээх Орденын кавалера, 7 о5о амарах аҕата, элбэх сиэн,  хос сиэн тапталлаах эһээтэ Горнай улууһун Солоҕонугар олорор ветеран буолар.

Кинини чиэстээн быйылгы Кыайыы үбүлүөйдээх сылыгар анал бириис туруоран Туөлбэнэн уулусса киэргэтиитигэр “КИЭҤ ТУТТА, МАХТАНА…” диэн күрэх тэрийэн ыыттыбыт.

    Бу күрэххэ нэһилиэк олохтоохторо олус көхтөөхтук кыттыбыттарын туоһутунан хас биирдии туөлбэ бэйэлэрин ветераннарыгар анаан кыракый Кыайыы площадкаларын тупсаҕайдык оҥорбуттара буолар. Улуссалар усталарын тухары араас өҥнөөх шариктар, былаахтар, лозуннар көтөн иһэр туруйалар ыйаммыттара киһи сүргэтин көтөҕөр.

“ТӨРҮТ” түөлбэ начальнига Розалия Григорьева биһигини көрсөн түөлбэ киэргэтиитин ис хоһоонун бэйэтэ көрдөрөн, кэпсээн биэрдэ.

Ол курдук кинилэр уулуссаларын устатын тухары Соло5он нэһилиэгитэн барбыт 110 саллаат туоһутун 110 туруйа көтөн иһэллэрин, ону таһынан бу түөлбэ оҥорбут кыракый Кыайыы площадкатыгар  миномет макетын туруорбуттара бөһүөлэк дьонун сөхтөрүөн сөхтөрдө.

Онтон “Чараҥ” түөлбэ (нач. Антонина Лукина) олохтоохторо Кыайыыга аналлаах площадкаларын, уулуссаларын киэргэтиитин таһынан кинилэр түөлбэлэриттэн сэриигэ барбыт, тыылга улэлээбит дьоннорун тустарынан дириҥ ис хоһоонноох видеосюжет ыыппыттарын олус долгуйа көрдүбүт.

“Саһарҕа” түөлбэ (нач.Светлана Пахомова)  Кыайыыга анаммыт площадкалара, уулусса устун ыйаммыт кыһыл былаахтара, плакаттара Кыайыы өрөгөйүн бэлиэлэрэ буолан ыраахтан киһи сүргэтин көтөхтүлэр.

Ону таһынан биирдиилээн ыаллар дьиэлэрин олбуоругар, сэриигэ барбыт, тыылга үлэлээбит дьоннорун мэтириэтин ыйаталаан, Кыайыы күнүгэр анаммыт плакаттары бэйэлэрин илиилэринэн уруһуйдаан киэргэппиттэрин бэлиэтээн анал бириистэрбитин туттартаатыбыт.

“Хата биһиги ветераннаах буоламмыт бөһүөлэкпит Кыайыы күнүгэр хаһан да киэргэммэтэҕин киэргэннэ…” диэн махтал ыытылларын истэн анаммыт бириистэрбитин туттартаан, кырдьаҕас Аҕабытыттан алгыһын ылан үөрэн-көтөн тарҕастыбыт.