Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

СӨ Бырабыыталыстыбата ааспыт 2020 сыллаах үлэтин Сунтаар улууһун нэһилиэнньэтигэр отчуоттаата

18.02.2021 10:28 0
СӨ Бырабыыталыстыбата ааспыт 2020 сыллаах үлэтин Сунтаар улууһун нэһилиэнньэтигэр отчуоттаата

Олунньу 17 күнүгэр, СӨ Бырабыыталыстыбатын ааспыт сыллаах үлэтин отчуотун куйаар ситимининэн быһа сибээскэ тахсан улуус нэһилиэктэринэн уопсайа 22 пуун тэриллэн 922 киһи быһа холбонуунуга кытынна.


Мунньах саҕаланыытыгар өрөспүүбүлүкэҕэ социальнай-экономическай сайдыы бары эйгэтин таарыйан сыл устата туох үлэ ыытыллыбытын сырдатар ролик көрдөрдүлэр, ол кэннэ Сунтаар улууһун куратора СӨ тас сибээс уонна норуоттар дьыалаларын миниистирэ Гаврил Кириллин салайыылаах туһааннаах министиэристибэлэр бэрэстэбиитэллэрэ нэһилиэнньэ туруорбут боппуруостарыгар хоруйдарын биэрдилэр.

Боппуруостар сүрүннээн доруобуйа харыстабылыгар, тыа хаһаайыстыбатыгар уонна олох-дьаһах коммунальнай хаһаайыстыба эйгэтигэр киирдилэр, ол курдук нэһилиэктэринэн социальнай эбийиэктэр дьиэлэрин саҥардааһын, ыраас ууннан хааччыныы, уот кыамтатын үрдэтии, куйаар ситимин күүһүрдүү уонна үлэһиттэргэ хамнас үрдээһинигэр туһаайылыннылар. Барыта 94 боппуруос уонна 8 этии киирэн барыта боротокуолланна.

Улуус олохтоохторо дьаҥ ыарыыта турбут уустук кэмигэр өрөспүүбүлүкэ үрдүнэн күүстээх үлэ, сайдыы барара харахха быраҕылларын бэлиэтээн туран Бырабыыталыстыбата 2020 сыллаах үлэтин “биһирииллэрин” биллэрдилэр.

***

“Сунтаар улууһа (оройуона)” муниципальнай оройуон дьаһалтатын пресс-сулууспата.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»