Курс валют
$
92.37
0.1
99.53
Курс валют
Курс валют
$
92.37
0.1
99.53
Меню
Поиск по сайту

Сахалар бэргэн ытааччыларын өссө төгүл бигэргэтэн биэрдилэр

22.09.2020 09:38 2
Сахалар бэргэн ытааччыларын өссө төгүл бигэргэтэн биэрдилэр

Тииҥи харахха ытар дьоҕурдаах саха бэргэннэрэ былыр да, аны да ааттарын ааттата тураллар. Аҕа дойду улуу сэриитигэр аатырбыт саха снайпердарын удьуордаан  билигин аныгы көлүөнэ ыччат спорт түһүлгэлэригэр республикаларын аатын чиэстээхтик көмүскээн үөрдэллэр.

Россия Кубогын призердара: 1 м. – Игорь Егоров (Дьокуускай), 2 м. – Антон Чеботаев (Челябинскай), 3 м. – Константин Брандт (Омскай). Барнаул.

Балаҕан ыйын 18-20 күннэригэр Барнаул куоракка спортинг-компакт – 200 көрүҥҥэ Россия Кубогын 6-с түһүмэҕэ буолан ааста. Биир дойдулаахтарбыт хамаанданан күрэстэһиигэ иккис миэстэ, тус күрэскэ Игорь Егоров абсолютнай чемпион буоллулар.

Игорь Егоров саха эстрадатыгар бэйэтэ суоллаах-иистээх, талааннаах ырыаһыта, музыкана, ону тэҥэ спорт маастара, дойду таһымнаах күрэхтэһиилэр хас да төгүллээх чемпионнара.

Aartyk.Ru Игорьдыын күрэхтэһии кэнниттэн телефонунан кэпсэтэ сырытта.

-Уолаттарга, эйиэхэ эҕэрдэ буоллун! Сахалар бу күннэргэ спорка, култуураҕа ситиһиилэнэн сүргэбит көтөҕүлүннэ.

-Махтал!

-Абсолютнай чемпион буолбуккун. Россия Кубогар кыһыл мэтээли ыллыҥ, өссө ону таһынан?

-Үгэс курдук, Кубокка сырыһыннара коммерческай күрэхтэһии буолааччы. Бу сырыыга Барнауллааҕы СК “Магнум” гран-притын ылар иһин күрэхтэстибит. Онно бастаатым.

-Саха сириттэн хас буолан сырыттыгыт?

-Аҕыс.  Мин, Сергей, Николай Кобяковтар “А” категорияҕа, Евгений Иванов, Павел Карпов, Альберт Кузьмин, Ариан Аммосов, Иван Ли-фу-сай -“В” категорияҕа кииристибит.

-Спортинг дьарыктанарга балайда ороскуоттаах спорт көрүҥэ быһыылаах. Саа, ботуруон, тэриэлкэ, тэрил… Айаҥҥытын, усунуоскуотун эҥин бэйэҕит уйунаргыт буолуо дуу?

-Оттон оннук. Ньурба улууһа үс күрэххэ сылдьар ороскуоппун уйунна, түгэнинэн туһанан Ньурба улууһун баһылыгар Алексей Михайлович Иннокентьевка уонна спорт комитеппыт салайааччытыгар Александр Максимовка барҕа махталбын тиэрдэбин.

-Сахалар, дьиҥинэ, ытыыга бэргэннэрэ хааннарыгар баар. Охчуттарбыт даҕаны ситиһиилэрин көрдөххө… Спортивнай ытыыга республика өттүттэн болҕомто ууруохха наада быһыылаах.

-Оттон бэрт буолуох этэ. Спортинг-компакка саха хамаандатын Россияҕа үчүгэйдик билэллэр.  Россия чемпионатыгар, “Бородинская битва” улахан түһүлгэлэргэ бастыыллар. “Кэллилэр да, хайаан да миэстэлэһэллэр”, – диэн тэрийээччилэр өтө көрөллөр. Сахалар  кыттар буоллахтарына күрэхтэһии сэргэх, сытыы буолар диэн ыҥыра сатыыллар эрээри барытыгар кыттар кыахпыт суох. Айаал Макаров, Николай Кобяков солбуһа сылдьан 1-кы, 2-с буолаллар. Саха спортинын оскуолата күүстээх уонна таһымнаах диэн бары этэллэр. Итиннэ Федерациябыт президенэ Иван Макаров өҥөтө олус улахан.

-Барнауллааҕы Россия Кубога 6-с түһүмэх диэн эбит. Ол аата, уопсайа хас түһүмэхтээҕий?

-Урут сылга ортотунан 10-ча түһүмэхтээх буолааччы. Ол гынан баран, быйыл пандемиянан сылтаан хас да түһүмэх буолбата. СПК атын спорт көрүҥнэриттэн уратылаах. Хас биирдии Кубок бэйэтэ туспа күрэхтэһии. Сыл бүтүүтэ финальнай Россия Кубога буолар. Онно ким баҕалаах, атын эрдэтээҥи түһүмэхтэргэ кыттыбатах да дьон кэлэн кыттыан сөп. Сыл түмүгүнэн рейтинг таһаараллар. Ким элбэх баллаах ол бастакы күөҥҥэ тахсар. Быйылгы финальнай Россия Кубога Тольяттига буолуохтаах. Биһиги онно кыттар баҕалаахпыт.

-Игорь, оттон ырыабыт-тойукпут?

-Баар (күлэр). Ырыа ханна да барбат-сүппэт. Дьокуускайга тиийдим эрэ саҥа ырыаларбын суруйуом, ыллыам, оҥоруом. Кэнсиэр туһунан этэр эрдэ. Дьаҥ арыый намыраатаҕына биирдэ кэнсиэри былаанныахха сөп.

-Чэ, этэҥҥэ! Өссө төгүл республикаҕыт аатын дьоһуннаахтык ааттаппыкытыгар эҕэрдэ уонна махтал!  

***

Aartyk.Ru

 

Обсуждение • 2

Добавить комментарий
  1. Батас

    Молодец, уолаттарга эгэрдэ!!

  2. Барахсаны

    Ыллыырынаагар ытыалыырынан ордук маастар эбит
    👍

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»