Оттуур ходуһалары көрдүлэр

От ыйын 2 күнүгэр, улуус Аҕа баһылыга Анатолий Григорьев уонна тыа хаһаайыстыбатын управлениетын салайааччыта Иван Тихонов бэс ыйыгар кураан күн-дьыл туран от үүнүүтэ хайдаҕын, отчуттарга туох кыһалҕалар баалларын билсэ Аллыҥа, Кириэстээх уонна Куокуну нэһилиэктэринэн оттуур ходуһалары көрдүлэр-иһиттилэр.

Аллыҥаҕа нэһилиэк баһылыга Николай Спиридонов 100 тахса га-лаах «Кулуһуннаах» диэн сиргэ нэһилиэнньэ аҥаара оттуурун, ортотуна 200 туонна от кэлэрин сырдатта.

Кириэстээх нэһилиэгэр 200 тахса га-лаах «Хомустаахха» сылдьыы буолла. Нэһилиэк баһылыга Александр Григорьев быйыл нэһилиэк бүдьүөтүттэн оччуттарга, 36 ыалга 100 лиитирэ ГСМ түҥэппиттэрин иһитиннэрдэ.

Куокунуга нэһилиэк баһылыгын солбуйааччыта Александр Петров «Улахан Табаҕаҕа» 250 га сир пардаммытын, 50 га-лаах сиргэ сиилэс ото, 60 га ячмень ыһыллыбытын сырдатта. Ону таһынан 400 туонна сиилэс буолар рулоннаах от хаһааммыт сарайын көрдөрдө.

Соторуннан нэһилиэктэр баһылыктарын кытары ходуһалары аһыыкаттан эмтээһиҥҥэ уонна кыһалҕалаах боппуруостарга сүбэ мунньах тэрийэн ыытар былааннанар.

***

“Сунтаар улууhа (оройуона)” муниципальнай оройуон дьаһалтатын пресс – сулууспата.