Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Өссө 10 дьиэ кэргэҥҥэ улуустааҕы “Ньурба дьиэ кэргэнэ” сэртипикээт туттарылынна

19.11.2020 16:17 0
Өссө 10 дьиэ кэргэҥҥэ улуустааҕы “Ньурба дьиэ кэргэнэ” сэртипикээт туттарылынна

Ньурба улууһугар Ийэ күнүгэр анаммыт ый чэрчитинэн бүгүн улууска бэлиэ тэрээһин ыытылынна. Улуус баһылыга Алексей Иннокентьев 10 элбэх оҕолоох дьиэ кэргэттэргэ “Ньурба дьиэ кэргэнэ” муниципальнай ийэ хапытаалын сэртипикээтин үөрүүлээх быһыыга-майгыга туттарда. Тэрээһин санитарнай быраабылалары тутуһан, дистанционнай-очнай көрүҥүнэн буолла.


Быйыл өрөспүүбүлүкэҕэ маҥнайгынан Ньурба улууһун баһылыга Алексей Иннокентьев көҕүлээһининэн 4-с уонна онтон кэлэр оҕотун төрөөбүт, эбэтэр иитэ ылбыт дьиэ кэргэттэргэ “Ньурба дьиэ кэргэнэ” диэн ааттанан, 100 тыһ. солк. кээмэйдээх муниципальнай ийэ хапытаала олохтоммута. Номнуо бу хапытаалы 55 дьиэ кэргэн туһанан улуус демографическай балаһыанньатын тупсарыыга, социальнай-экэнэмиичэскэй сайдыытыгар үлэ бара турарын туоһулуур.

Алексей Иннокентьев бу тэрээһиҥҥэ кыттыбыт дьиэ кэргэттэри улуус бигэ туруктаах, чөл олохтоох дьиэ кэргэттэринэн ааттаата, кинилэр бу уустук кэмҥэ элбэх оҕону төрөтөн олоххо дьулуурдарынан холобур буолалларын бэлиэтээтэ, кинилэргэ истиҥ-иһирэх тылларынан үтүөнү баҕарыыларын тиэртэ.

10 дьиэ кэргэн ийэлэрэ уонна аҕалара улуустааҕы 100 тыһ. солк. кээмэйдээх сэртипикээттэри туттулар. Кинилэр ааттара бу баар: 5 оҕолорун күн сирин көрдөрбүт Хатыҥ Сыһыы олохтооҕо Степанова Василиса Виссарионовна, Ньурба куорат олохтоохторо Дмитриева Анна Александровна уонна Семенова Надежда Ариановна, Октябрьскай нэһилиэк олохтооҕо Степанова Жанна Константиновна, 4 оҕолорун күн сирин көрдөрбүт Федорова Раиса Егоровна (Хорула), Егорова Ирина Петровна (Түмүк нэһилиэгэ), Ларионова Светлана Евгеньевна, Адамова Мария Ариановна (Ньурба куорат), Саввинова Анастасия Ивановна, Афанасьева Туяра Владимировна (Октябрьскай нэһилиэк).

Салгыы элбэх оҕолоох ийэлэргэ уонна кинилэр дьиэ кэргэттэригэр истиҥ эҕэрдэлэрин улуус баһылыгын социальнай боппуруостарга солбуйааччыта Анна Уларова уонна улуустааҕы дьахталлар Сэбиэттэрин салайааччыта Альбина Ермолаева тиэртилэр. Харда махтал тылы элбэх оҕолоох дьиэ кэргэн ийэтэ Анна Дмитриева эттэ. Тэрээһини Евгений Оготоев эҕэрдэ ырыата киэргэттэ.

***

Источник: ulusMedia

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»