Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

НЬУРБАҔА АВИАЦИЯ БЭТЭРЭЭНИН КИНИГЭТЭ СҮРЭХТЭННЭ

15.03.2020 12:33 0
НЬУРБАҔА АВИАЦИЯ БЭТЭРЭЭНИН КИНИГЭТЭ СҮРЭХТЭННЭ

Кулун тутар 14 күнүгэр улуустааҕы киин бибилэтиэкэҕэ “Бочуот знага” уордьан кавалера, тыыл, үлэ бэтэрээнэ, Ньурбатааҕы авиапредприятиеҕа 30-тан тахса сыл үлэлээбит улуус бочуоттаах олохтооҕо Михаил Афанасьевич Тихонов 85 сааһыгар анаммыт “Көтөр аалы көтүтэ оонньуур Мэхээс” кинигэтин сүрэхтэниитэ буолан ааста.


Ыраахтан-чугастан кэлбит дьон үбүлүөйдээх бэтэрээни истиҥник эҕэрдэлээтилэр.

Михаил Тихонов санныгар төһө даҕаны 85 сыл хаарын түһэрэн уулларбытын иһин, билигин да эдэрдии эрчимнээх уонна үөрүнньэҥ, сырдык-кэрэ майгылаах үтүөкэн киһи. Уопсастыбаннай олоххо, ыччаты патриотическай тыыҥҥа иитиигэ көхтөөхтүк кыттар. Авиация музейын тэрийэн матырыйаалларын байытар, авиация историятын уонна кини чулуу бэрэстэбиитэллэрин үтүө ааттарын үйэтитэр. Михаил Афанасьевич музейы тэрийэн үлэлии сылдьан, военкомат архивыгар уруккута Сэбиэскэй Сойуус Дьоруойа, пуорт үлэһитэ Николай Кудряшов туһунан суруллубутун булан, биир санаалаахтарын кытта бииргэ күүскэ туруорсаннар, 2013 сыллаахха РФ Бэрэсидьиэнин Ыйааҕынан Николай Петрович Кудряшов дойду үрдүк наҕараадатыгар бырааба чөлүгэр түһэриллибитэ.

Күндү ытык кырдьаҕаспыт Михаил Афанасьевичка үтүө доруобуйаны, өссө да уһуннук, дьоллоохтук-соргулаахтык олороругар баҕарабыт!

***

Улуус дьаһалтатын пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»