Курс валют
$
72.03
0.2
87.35
0.14
Курс валют
Курс валют
$
72.03
0.2
87.35
0.14
Меню
Поиск по сайту

Ньурба улууһун Түмүк нэһилиэгэр быйылгы былааннаммыт үлэлэр туоллулар

28.12.2020 10:21 0
Ньурба улууһун Түмүк нэһилиэгэр быйылгы былааннаммыт үлэлэр туоллулар

Ньурбаҕа баар нэһилиэктэртэн Түмүк нэһилиэгэ биир улахан нэһилиэк буолар. Нэһилиэккэ 976 киһи олорор. Сүрүн дьарыга – тыа хаһаайыстыбата, 6 бааһынай фермерскэй хаһаайыстыба үлэлиир. Маны таһынан, 8 дьоҕус биисинэһинэн дьарыктанааччылар бааллар.


“Түмүк нэһилиэгэ” МТ баһылыгын солбуйааччы Мичилина Васильевна Никифорова быйылгы үлэ-хамнас туһунан билиһиннэрэр:

– Маар нэһилиэгэр 2020 сылга элбэх үтүө дьыала үлэлэрэ ыытылыннылар. Улуус дьаһалтатын ИМБТ нөҥүө “Олох-дьаһах өҥөтө” бырайыак көмүскэнэн, олоххо киирэн үлэтин саҕалаабыта. Нэһилиэнньэҕэ дьоҕус олус туһалаах тэрилтэ баар буолла, 5 киһи үлэ миэстэтинэн хааччыллан үлэлииллэр.

Эдэр ыччат уонна оҕолор иллэҥ кэмнэригэр дьарыктаах буолууларын ситиһэргэ быйыл күһүн “Велотрек” бырайыак ситиhиилээхтик оҥоһуллан, ыччат, оҕо сынньанар сирэ оҥоһулунна. Бу бырайыагынан нэһилиэк уус кэрэ аҥардара тутан-хабан оҥордулар.

Тыа сирин территориятыгар 2020-2025 сс. комплекснай бырагырааманан күрэх биллэриллибитигэр, Түмүк нэһилиэгэ ситиһиилээхтик кыттан, олус тупсаҕай оҥоһуулаах “Үрэххэ сүгүрүйүү бэлиэтэ” оҥоһулунна. Олохтоох көҕүлээһини өйүүр бырагыраама чэрчитинэн нэһилиэк уулуссаларын сырдатыы үлэтэ ыытылынна.

Улуу Кыайыы 75 сылыгар анаан, биир дойдулаахпыт Иванов Владимир Николаевич бэйэтин тус санаатын ууран, бэйэтин үбүнэн “Сквер Победы” оҥордо. Нэhилиэк эдэр ыччата бэйэлэрин баҕа өттүлэринэн “Обелиск ветеранов” өрөмүөннээтилэр, тас көстүүтүн тупсардылар. Ийэлэргэ анаммыт “Сквер Матери” эбийиэк быйыл өрөмүөннэннэ, киэргэйдэ. Сылын аайы нэһилиэк уулуссаларын өрөмүөннээһин ыытыллар. Быйыл Горькай, Юбилейнай уулуссаларга өрөмүөн уо.д.а. суоллары оҥоруу, тэҥнээһин үлэлэрэ бардылар. “Вилюй” УПРДОР тэрилтэни кытары тэҥҥэ үлэлэһэн, эһиилгиттэн саҕалаан нэһилиэкпитинэн ааһар федеральнай суол учаастагын уотунан сырдатыы уонна өрөмүөн үлэтин ыытыы былааннанар.

Кэнники сылларга алдьанан сүүрбэккэ турбут водовоз массыына быйыл оҥоһуллан нэһилиэнньэҕэ өҥөнү оҥорор буолла. Түмүк нэһилиэгин олохтоохторо олус көхтөөх буоланнар, сылын ахсын араас аахсыйалар, волонтердар үлэлэрэ күүскэ барар. Быйылгы сылга нэһилиэкпитигэр олорор тыыл бэтэрээннэригэр, элбэх оҕолоох ыалларбытыгар анаммыт сыл устата араас көмө оҥоһулунна. Инникитин үлэ былаана элбэх. Ол курдук спортивнай саала өрөмүөнэ, түмэл үлэтин тэрийии, үрэхпит уутун таһымын чөлүгэр түһэрии, Бүтэйдээх пааркатын оҥоруу уо. д. а. үлэлэр күүтэллэр, – диэн түмүктээтэ Мичилина Васильевна.

Маарга сылдьар кэммэр Саҥа дьылы көрсө киэргэтиигэ Ийэҕэ скверин таһыгар саҥа кэлэн иһэр Дьыл оҕуһун, сыарҕалаах таба каркааһын Ньургун Никифоров, Алексей Лазарев, уотун Артем Хаптасов буолан оҥороннор олохтоохтор сэҥээриилэрин ыллылар. Түөлбэ олохтоохторо Саҥа дьылы көрсө сылы түмүктүүр күрэххэ бэлэмнэн хаар оҥоһуктары оҥоро сылдьаллара.

***

Антонина СЕМЕНОВА

Оставить комментарий    

Россельхозбанк
АЯМ