Курс валют
$
72.22
0.28
85.99
0.71
Курс валют
Курс валют
$
72.22
0.28
85.99
0.71
Меню
Поиск по сайту

Ньурба улууһун Сүбэтин дьокутааттара улахан суолталаах быһаарыылары ылыннылар

17.04.2020 07:42 0
Ньурба улууһун Сүбэтин дьокутааттара улахан суолталаах быһаарыылары ылыннылар

Бэҕэһээ Ньурба улууһун Сүбэтин уочараттаах 14-с сиэссийэтин мунньаҕа ыытылынна. Дьокутааттар бастакынан улуус баһылыга Алексей Иннокентьев улуус дьаһалтатын ааспыт сыллаах үлэтин туһунан отчуотун истэн бигэргэттилэр.


Улуус баһылыгын үпкэ, экэниэмикэҕэ, инвестицияҕа уонна бырайыактары салайыыга солбуйааччыта Николай Бурнашев урбаанньыттарга көмө быһыытынан улуус салалтата кинилэргэ ЕНВД (тиксэриллибит дохуокка кэлим нолуок) кээмэйин 100 төгүл кыччатар туһунан оҥорбут бэрээдэгин билиһиннэрдэ. ЕНВД сыллааҕы кээмэйэ – 12,1 мөл. солк., бу улууска киирэр нолуок буолар.

Дьүүллэһиигэ кыттыбыт салайааччылар эппиттэринэн, Ньурба улууһа Саха сиригэр бастакынан урбаанньыттары өйүүргэ араас дьаһаллары ылынна. Ол курдук, эргиэн дьиэлэрин, ырыынактары хомунаалынай уонна уокка ороскуоттарын улуус толуйар. Ол оннугар ити эбийиэктэр хаһаайыттара кинилэргэ арендаҕа турар урбаанньыттары аренда төлөбүрүттэн босхолуурга сөбүлэстилэр. 7 ыраах нэһилиэк урбаанньыттарыгар 300 тыһ. солк. диэри сыллааҕыта 5%-наах кирэдьиит 10 ыйга диэри бэрилиннэ. Бытовой өҥөлөрү оҥорор урбаанньыттарга эмиэ маннык быһыылаах өйөбүл дьаһаллара ырытан оҥоһуллаллар.


Улуус баһылыгын социальнай боппуруостарга солбуйааччыта Анна Уларова “Ньурбатааҕы дьиэ кэргэн” улуустааҕы ийэ (дьиэ кэргэн) хапытаалын Балаһыанньатын билиһиннэрдэ.

Борокуратуураны кытта өр үлэлэһэн сокуон хараҕар сөп түбэһиннэриллибитин бэлиэтээтэ. 2020 с. сылга 4-с уонна онтон кэнники оҕотун төрөөбүт (иитэ ылбыт), Ньурба улууһугар бастайааннай регистрациялаах уонна олорор дьоҥҥо 100 тыһ. солк. ананар. Бу хапытаалы кинилэр олорор дьиэлэрин тупсарыыга, оҕо үөрэҕи ылыытыгар, инбэлиит оҕолор социальнай адаптацияны баралларыгар аналлаах табаардары уонна өҥөлөрү ыларга, “Оҕолоох ыалларга ыйын аайы бэриллэр төлөбүрдэр тустарынан” Федеральнай сокуоҥҥа сөп түбэһиннэрэн ыйын аайы төлөбүрдэри ыларга уонна да атын сыалларга. Оройуон таһымынан маннык дьиэ кэргэн хапытаала Арассыыйа үрдүнэн ханна даҕаны суох. Бу үөһэ этиллэр ирдэбиллэргэ сөп түбэһэр, 4-с уонна онтон кэнники оҕотун төрөөбүт (иитэ ылбыт) 22 дьиэ кэргэн номнуо баар.
Улуус Сүбэтин дьокутааттара итинтэн да атын боппуруостар бары боппуруостары көрөн, көхтөөхтүк дьүүллэһэн баран, улуус Сүбэтин быһаарыытын бырайыактарын ылыннылар. Улуус салайааччылара дьокутааттарга улуус дьонугар-сэргэтигэр, урбаанньыттарыгар олус наадалаах көмө-өйөбүл туһунан көҕүлээһиннэрин өйөөбүттэрин иһин истиҥ махталларын тиэртилэр.

***

Улуус дьаһалтатын пресс-сулууспата

Оставить комментарий    

Россельхозбанк
АЯМ