Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Мэҥэ Хаҥалас уопсастыбанньыктарыгар ыччат министиэристибэтэ уөрэтэр тэрээһини ыытта

12.11.2020 14:52 0
Мэҥэ Хаҥалас уопсастыбанньыктарыгар ыччат министиэристибэтэ уөрэтэр тэрээһини ыытта

Сэтинньи 10-11 күннэригэр СӨ Ыччат дьыалаларыгар уонна социальнай коммуникациялар министиэристибэлэрин көҕүлээһининэн интэриниэт ситиминэн “Мэҥэ Хаҥалас улууһугар гражданскай өйөбүллэр” диэн тэрээһин ыытылынна.


Бу тэрээһин чопчу сыалынан уопсастыбаннай үлэни өрө тутар, нэһилиэнньэни уопсай үлэҕэ-хамнаска, билиигэ-көрүүгэ сирдиир дьоммут хайдах гынан бэйэлэрин көрүүлэринэн, баҕа санааларынан араас бырайыактары оҥорон тэринэр ньымаларыгар үөрэтии буолар.

Билигин бэйэлэрэ тус толкуйдаах, үгүс идеялаах, нэһилиэнньэҕэ көмөлөөх үлэлэри тэрийэр көхтөөх дьон элбэх. Ол эрээри туох барыта үптэн-харчыттан тутулуктаах. Онно көмөлөһөр сыаллаах араас пуондалар, граннар бааллар. Итилэргэ ханнык ньыманан кыттан, үптэнэн тэринии туһунан Дьокуускайга баар тустаах тэрилтэлэртэн уопуттаах үлэһиттэр сүбэлэрэ, анал исписэлиистэр үөрэтиилэрэ ыытылынна.

Бу тэрээһин кэмигэр Мэҥэ Хаҥалас улууһун бастыҥ тэрийээччилэргэ, дьону-сэргэни уопсастыбаннай үлэҕэ көҕүлээччилэргэ, ыччаты иитиигэ, чөл олоххо, маассабай үлэҕэ үтүө кыһамньыларын иһин, СӨ Ыччат дьыалаларыгар уонна социальнай коммуникациялар министиэристибэлэрин наҕараадалара туттарылыннылар. “СӨ нэһилиэнньэни уопсастыбаннай үлэҕэ көҕүлээһин туйгуна” түөскэ кэтиллэр бэлиэ хаһаайынынан успуорду уонна маассабай үлэни көҕүлээччи, успуорт бэтэрээнэ, тэрийэр үлэҕэ үгүс сыратын биэрбит, Майа сэлиэнньэтин Бочуоттаах гражданина Дмитрий Николаевич Сидоров ааттанна. Биллэрин курдук, кини үгүс күрэхтэһиилэр, тэрээһиннээх куйуурдар, муҥхалар, эр дьоҥҥо, уол оҕону иитиигэ аналлаах бырайыактар тэрийээччилэрэ буолар.

Министиэристибэ Бочуотунай грамотатынан улуустааҕы инбэлииттэр түмсүүлэрин салайааччыта, доруобуйаларынан хааччахтаах дьону успуорка, уопсастыба олоҕор көҕүлээччи, бэйэтэ улуус чиэһин элбэхтэ көмүскээбит Тамара Пермякова наҕараадаланна. Тамара Николаевна икки бырайыага Ил Дархан гранын кыайыылаахтара буолан, ыалдьар дьоҥҥо көмөлөөх, эти-хааны эрчийэр тэриллэринэн хааччыллыбыттара. Кини салайар уопсастыбата үһүс сылын өрөспүүбүлүкэҕэ кыайыылаах буолар.

Бочуотунай грамотанан улуус үрдүнэн соҕотох юридическай регистрациялаах “Лесная” түөлбэ салайааччыта, үгүс дьону көҕүлээн, Майа сайдыытыгар, дьон-сэргэ олоҕор үгүс сыратын биэрбит Васианна Иннокентьевна Птицына наҕараадаланна.

Махтал суругунан Нөөрүктээйи нэһилиэгин ыччат уонна дьиэ кэргэн исписэлииһэ Мотрена Осипова бэлиэтэннэ. Кини үгүс ыччаты, нэһилиэк олохтоохторун көҕүлээн, нэһилиэккэ көмө аахсыйалары, бүгүҥҥү күҥҥэ баар кыһалҕалары быһаарар волонтердары салайан үлэлэтэн, улуус биир көхтөөх ыччата, өрөспүүбүлүкэтээҕи ыччат бэлиитикэтин исписэлиистэрин куонкуруһугар иккис миэстэни ылан ситиһиилэммитэ.

Икки күннээх тэрээһиҥҥэ бары нэһилиэктэр уопсастыбанньыктара, тэрээһиннээх түмсүүлэр, ыччат уонна дьиэ кэргэн исписэлиистэрэ, социальнай эйгэ үлэһиттэрэ кытыннылар. Бүгүҥҥү тирээн турар балаһыанньанан үөрэтии ZOOM платформаҕа ыытылынна. Маннык интэриниэт ситимин көмөтүнэн билиини-көрүүнү кэҥэтии, наадалааҕын-сөптөөҕүн көрөн иҥэринии билиҥҥи кэмҥэ табыгастааҕын өйдөөн туран, салгыы ыытар ыҥырыыларбытын кэтээн көрөөрүҥ уонна кыттаарыҥ диэн ыҥырабыт.

***

Мэҥэ Хаҥалас улууһун ыччат уонна дьиэ кэргэн салалтата.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»