Ийэ тыл уонна сурук-бичик күнүгэр саха тылын учууталларыгар уонна төрүт култуураны үөрэтээччилэргэ сүбэ мунньах тэрилиннэ

Олунньу 13 күнүгэр, «Төрөөбүт төрүт тылбыт – ыччаппыт кэскилин бигэ тирэҕэ» диэн төрөөбүт Ийэ тылбытын, төрүт үгэспитин өрө тутан, кэнчээри ыччаппытыгар чөл хаалларарга саҥа ньымалары тобулуур төгүрүк остуол тула олус дириҥ суолталаах аһаҕас кэпсэтии, санаа үллэстиитэ олохтонно.

Кэпсэтиигэ улуус Аҕа баһылыга Анатолий Григорьев, СӨ Ил Түмэн билимҥэ, үөрэхтээһиҥҥэ, култуураҕа, маассабай информация сириэстибэлэригэр уонна уопсастыбаннай үлэ дьыалаларыгар сис кэмитиэт бэрэссэдээтэлэ Феодосия Габышева уонна Сунтаар улууһун саха тылын, литературатын, төрүт култууратын үөрэтээччилэрэ, уһуйааччылара бэйэлэрин санааларын үллэһиннилэр. Мунньах түмүгүнэн төрүт тылы кэнчээри ыччакка чөл хаалларарга концепция ылыллара былааннанна.

Мунньахха кыттыбыт учууталларга саха тылын сайдыытыгар киллэрбит кылааттарын иһин улуус Аҕа баһылыгын эҕэрдэ суруктара туттарылыннылар.

***