Элгээйи нэһилиэгэ тэриллибитэ 250 сыллаах үбүлүөйүгэр бэлэмнэнэ сүбэ мунньах тэрилиннэ

СӨ Ил Дархана Айсен Николаев үбүлүөйүнэн тэрээһини тэрийэргэ анал хамыыһыйа тэриллиитин туһунан дьаһалыгар олоҕуран СӨ бырабыытылыстыбатын бэрэсэдээтэлин солбуйааччы Михаил Никифоров салайааччылаах, Ил Түмэн депутаттара Андрей Николаев уонна Семен Березин, Сунтаар улууһун Аҕа баһылыга Анатолий Григорьев уонна Элгээйи нэһилиэгин баһылыга Гаврил Яковлев ону сэргэ туһааннаах министиэристибэлэртэн эппиэтинэстээх дьон куйаар ситимин нөҥүө сүбэ мунньахха кыттыыны ыллылар.

Мунньахха сүрүннээн ыытыллыахтаах тэрээһин былаанын торумнаатылар уонна сөптөөх докумуоннары оҥорон тустаах министерстволардыын үлэлэһэргэ сүбэлэстилэр.